سعد فاروق
خیبر پختونخوا میں فورسز کی تین علیحدہ کارروائیوں میں مجموعی طور پر 9 بھارتی حمایت یافتہ دہشت گرد مارے گئے۔
پاک فوج کے ترجمان ادارے انٹر سروسز پبلک ریلیشنز (آئی ایس پی آر) کے مطابق ڈیرہ اسماعیل خان میں 4 بھارتی حمایت یافتہ خوارج ہلاک کیے گئے، جبکہ ٹانک میں سیکیورٹی فورسز نے کامیاب آپریشن کے دوران 2 خوارج کو مار گرایا۔خیبر کے علاقے باغ میں کی گئی کارروائی میں 3 بھارتی سرپرستی یافتہ خوارج مارے گئے۔
آئی ایس پی آر کے مطابق ہلاک ہونے والے تمام خوارج مختلف دہشت گرد کارروائیوں میں ملوث تھے، اور ان کے قبضے سے اسلحہ اور گولہ بارود بھی برآمد ہوا۔ترجمان پاک فوج کے مطابق علاقے میں خوارج کے مکمل خاتمے کے لیے سرچ اور کلیئرنس آپریشن جاری ہے۔
وزیر خارجہ اسحاق ڈار کا ازبک ہم منصب سے رابطہ، علاقائی صورتحال پر تبادلہ خیال
بھٹو شہیداور نوازشریف نے ملکی دفاع ناقابل تسخیر بنا یا،تجزیہ ،شہزاد قریشی
