انسداد دہشت گردی عدالت لاہور: عسکری ٹاور جلاؤ گھیراؤ سمیت چار مقدمات کی سماعت
لاہور: انسداد دہشت گردی کی خصوصی عدالت لاہور میں آج اہم مقدمات کی سماعت کی گئی، جن میں عسکری ٹاور جلاؤ گھیراؤ سمیت چار مختلف مقدمات شامل تھے۔ عدالت نے ڈاکٹر یاسمین راشد کی تین مقدمات میں ضمانتیں واپس لینے کی بنیاد پر مسترد کر دیں۔ تھانہ شادمان،اس مقدمے میں ملزمان کے خلاف جلاؤ گھیراؤ کی کارروائی کی گئی تھی۔عسکری ٹاور مقدمہ، یہاں پر بھی جلاؤ گھیراؤ کی کارروائی کی گئی جس میں کئی گاڑیوں کو نذر آتش کیا گیا تھا۔جناح ہاؤس کے باہر گاڑی جلانے کا مقدمہ، اس واقعے میں بھی گاڑیوں کو نذر آتش کیا گیا تھا، اور عدالت نے اس مقدمے میں ضمانتیں خارج کر دی۔
عدالت نے ایک اور اہم مقدمے میں بھی فیصلہ سناتے ہوئے، راحت بیکری کے باہر جلاؤ گھیراؤ کے مقدمے میں ضمانت پر دلائل طلب کیے ہیں۔ اس مقدمے کی مزید سماعت میں پیش رفت کے لئے عدالت نے سماعت کو 10 اپریل تک ملتوی کر دیا۔انسداد دہشت گردی عدالت کے جج منظر علی گل نے آج ضمانت بعد از گرفتاری پر سماعت کی اور ان مقدمات کی بنیاد پر اپنے فیصلے سنائے۔
