شیخ رشید کے لئے بڑی مشکل، ریلوے مزدوروں نے کیا پہیہ جام کا اعلان
باغی ٹی وی کی رپورٹ کے مطابق ریلوے مزدور اتحاد تنظیموں نے مطالبات کی منظور ی کیلئے ریلوے انتظامیہ کو ڈیڈ لائن دیتے ہوئے 24دسمبرکو ریل کا پہیہ جام کرنے کا اعلان کر دیا .
ان خیالات کا اظہار ریل مزدور اتحاد میں شامل ریلوے کی فعال تنظیموں ریلوے لیبر یونین، ریلوے ورکر یونین( سی بی اے) ورکشاپس سپر وائزر ایسوسی ایشن،ڈپلومہ فیڈریشن کے زیر اہتمام لوکو شیڈ راولپنڈی میں مطالبات کے حق میں احتجاجی جلسے سے خطاب کرتے ہوئے کیا۔ مقررین نے کہا کہ ریلوے ملازمین نے مطالبات کی منظوری کے حصول کیلئے راولپنڈی سے احتجاج کا آغاز کر دیا ہے
قومی اسمبلی میں بھی بنے گا فارورڈ بلاک، شیخ رشید نے کر دیا اعلان
اپوزیشن جماعتوں کی اے پی سی جمعہ بازار کی بیٹھک ہے، شیخ رشید
امیر قطر نے ڈیل کی یا نہیں، شیخ رشید نے بتا دیا
جلسہ سے محمد سرفراز،عنایت علی گجر، میاں محمود نگیانہ، خالد محمود، رضوان ستی و دیگر نے خطاب کیا ۔
ریلوے مزدور اتحاد یونین کے رہنماؤں نے کہا کہ پہلے مرحلے میں راولپنڈی کے سات ڈویژن میں احتجاج کیا جائے گا بعد ازاں پورے پاکستان میں احتجاج کیا جائے گا 24دسمبرکو لاہور جلسے میں ریل کا پہیہ جام کرنے کا اعلان کیا جائے گا۔
شیخ رشید کے دعوے صرف ہوا میں،ریلوے کا خسارہ کم ہوا یا زیادہ، اہم خبر
ریلوے کے ریٹائرڈ ڈرائیور کو سنائی شیخ رشید نے خوشخبری
ن لیگ میں ایک اور پارٹی جنم لے رہی ہے، شیخ رشید احمد
رہنماؤں کا مزید کہنا تھا کہ ریلوے کی تمام سات ڈویژنوں میں احتجاجی مظاہرے کئے جائیں گے پورے پاکستان میں احتجاج کے بعد 24 دسمبر 2019کو لاہور کے احتجاجی مظاہرے میں ریل کے پہیے کو جام کرنے کا اعلان کر دیا جائے گا ،مقررین کا کہنا تھا کہ اسکیلوں کی اپ گریڈیشن،ٹیکنیکل الائونس25فیصد پی ایل اے اور پی ایم پیکیج کے ملازمین کو کنفرم کرنے کے مطالبات ریلوے ہیڈ کوارٹر تسلیم کر چکا ہے وزارت ریلوے اور وزارت خزانہ فی الفورعملدرآمد کیلئے فیصلہ کرے ورنہ حالات خراب ہونے کے ذمہ دار فیصلہ ساز ہوں گے ۔
واضح رہے کہ وفاقی وزیر ریلوے شیخ رشید اعلان کر چکے ہیں کہ اگر ریلو ے کا کام ٹھیک ہوتا رہا تو جلد ملازمین کی تنخواہوں میں دس فیصد اضافہ کر دوںگا
