شاہ محمود قریشی کی عمان کے سلطان سے ملاقات،سلطان قابوس کی وفات پر کی تعزیت

شاہ محمود قریشی کی عمان کے سلطان سے ملاقات،سلطان قابوس کی وفات پر کی تعزیت

باغی ٹی وی کی رپورٹ کے مطابق وزیرخارجہ شاہ محمود قریشی کی عمان کے سلطان ہیثم بن طارق السید سےملاقات ہوئی ہے، شاہ محمود قریشی نے سلطان قابوس کےانتقال پراظہارتعزیت کیا اور کہا کہ سلطان قابوس امن پسند حکمران کے طور پر جانے جاتےتھے، سلطان قابوس کےدورحکومت میں عمان نے مثالی ترقی کی،

سلطان ہیثم نے کہا کہ حکومت مرحوم سلطان کے اصولوں کومشعل راہ بنائے گی، سلطنت عمان امن وسلامتی کے فروغ کیلئے کوشاں رہے گی،

واضح رہے کہ شاہ محمود قریشی گزشتہ روز سعودی عرب کا دورہ مکمل کر کے عمان پہنچے تھے، مقسط میں پاکستان کے سفیر احسن وگن اور عمانی وزارت خارجہ کے حکام نے وزیر خارجہ کا خیر مقدم کیا

سلطان قابوس 1970 سے برسر اقتدار تھے، وہ طویل عرصے سے علیل تھے۔ سلطان کا کوئی جانشین نہیں تھا۔

عرب میڈیا کے مطابق حیتم بن طارق کو نیا سلطان مقرر کر دیا گیا ہے

وزیراعظم عمران خان نے سلطان قابوس کے انتقال اظہارتعزیت کیا ہے، سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان کا کہنا تھا کہ سلطان قابوس بصیرت رکھنے والے انسان تھے،سلطان قابوس نے عمان کو متحرک اور جدید ریاست میں تبدیل کیا،عمان نے محبوب قائد اور پاکستان نے قریبی قابل اعتماد دوست کوکھودیا،

واضح رہے کہ عمان کے سلطان قابوس بن سید السید 79 برس کی عمر میں انتقال کر گئے ہیں۔ گذشتہ ماہ وہ بیلجیم میں طبی معائنے اور علاج کروانے کے بعد وطن واپس آئے تھے۔ اطلاعات کے مطابق وہ سرطان کے مرض میں مبتلا تھے۔

سلطان قابوس غیر شادی شدہ تھے اور ان کا کوئی وارث یا نامزد جانشین نہیں تھا۔ ان کی موت پر عمان میں تین روزہ قومی سوگ کا اعلان کیا گیا ہے