تحریک انصاف کور کمیٹی کا اجلاس طلب، اتحادیوں کے حوالہ سے ہو گی مشاورت،اہم فیصلے متوقع

تحریک انصاف کی کور کمیٹی کا اجلاس طلب، ہوں گے اہم فیصلے،اتحادی جماعتو‌ں کے حوالہ سے ہو گی مشاورت
باغی ٹی وی کی رپورٹ کے مطابق تحریک انصاف کی کورکمیٹی کا اجلاس وزیراعظم عمران خان نے طلب کر لیا، کور کمیٹی کا اجلاس آج جمعرات کو شام پانچ بجے ہو گا، کور کمیٹی اجلاس میں تحریک انصاف کے رہنما شریک ہوں گے، تمام رہنماؤں کو کور کمیٹی اجلاس میں شرکت کے لئے پابند کیا گیا ہے.

کور کمیٹی اجلاس کی صدارت وزیراعظم عمران خان کریں گے، کور کمیٹی اجلاس میں ملکی سیاسی و معاشی صورتحال پر بات چیت کی جائے گی، کور کمیٹی اجلاس میں حکومتی کامیابیوں پر بات چیت ہو گی، وزیراعظم رہنماؤں کو آئندہ کا لائحہ عمل دیں گے.

کور کمیٹی اجلاس میں وزیراعظم کی بنائی گئی کمیٹی اتحادی جماعتوں سے ملاقاتوں کے بعد صورتحال پر بھی بریفنگ دے گی

کورکمیٹی اجلاس میں نواز شریف کی صحت کے حوالہ سے بھی بات چیت متوقع ہے، وزیراعظم عمران خان نے نواز شریف کی ہوٹل میں تصویر آنے پر نوٹس لے رکھا ہے،

کورکمیٹی اجلاس کے بعد وزیراعظم عمران خان کی مشیر برائے اطلاعات ڈاکٹر فردوس عاشق اعوان بریفنگ دیں گی.