وزیراعظم جائیں گے کراچی، اہم ملاقاتیں طے، اتحادیوں سے ملاقات ہو گی یا نہیں؟

باغی ٹی وی کی رپورٹ کے مطابق وزیراعظم عمران خان آج ایک روزہ دورے پر کراچی جائیں گے،وزیراعظم کراچی میں اہم ملاقاتیں کریں گے،

ایک روزہ دورے کے دوران کنگری ہاؤس میں پیر صاحب پگارا اور گورنر ہاؤس میں وزیراعلیٰ سندھ مراد علی شاہ سے ملاقات کریں گے ،اتحادی جماعت ایم کیو ایم سے ملاقات فی الحال شیڈول میں نہیں ہے. گورنر سندھ کہتے ہیں کہ وزیراعظم عمران خان کا کراچی دورہ ایم کیو ایم سے معاملات ٹھیک ہونے کا باعث بنے گا۔

امکان ہے کہ وزیراعلیٰ سندھ، گورنر کے ہمراہ کراچی ائیرپورٹ پر وزیراعظم کا استقبال کریں گے۔ مختصر دورے کی خاص بات وزیراعظم کی وزیراعلیٰ سندھ سے اہم ملاقات بھی بتاتی جاتی ہے۔

کراچی دورے کے موقع پر وزیراعظم کامیاب جوان پروگرام اور شوکت خانم میموریل ہسپتال کی فنڈ ریزنگ تقریب میں بھی شرکت کریں گے۔

واضح رہے کہ وزیراعظم عمران خان جب پہلے کراچی گئے تھے تو وزیراعلیٰ سندھ نے کہا تھا کہ میں اسلام آباد میں ہوں گا وزیراعظم دورے کی تاریخ تبدیل کریں تو میں انکا استقبال کروں گا اب آج وزیراعلیٰ کی جانب سے وزیراعظم کے استقبال کا امکان ہے.

Shares: