نیب کی وجہ سے گندم کی قلت اور آٹے کا بحران آ رہا ہے، سندھ ہائیکورٹ کے ریمارکس
باغی ٹی وی کی رپورٹ کے مطابق گھوٹکی کی 25 فلور ملز سے گندم کی چوری اور نیب کے چھاپے کا معاملہ،چیف جسٹس سندھ ہائیکورٹ ڈائریکٹر نیب سکھر پر برہم ہو گئے، چیف جسٹس سندھ ہائیکورٹ نے استفسار کیا کہ جن فلور ملز نے پلی بارگین کی ان سے منافع کی رقم کیوں نہیں لی؟نیب کے افسران ہی اپنے اعلیٰ افسران کو گمراہ کرتے ہیں،
عدالت نے کہا کہ نیب کی وجہ سے گندم کی قلت اور آٹے کا بحران سامنے آرہا ہے،نیب والے اگر ٹھیک کام کرتے تو یہ صورتحال دیکھنے میں نہ آتی
نیب پراسیکیوٹر نے عدالت میں کہا کہ نیب نے 25 میں سے 24 فلورملز مالکان سے پلی بارگین کرلی ہے،نیب نے 3200روپے فی بوری کے حساب سے فلورملز مالکان سے رقم وصول کی،ملزمان نے 2ارب روپے کی پلی بارگین کرلی ہے،
عدالت نے نیب سے تحقیقات سے متعلق پیش رفت رپورٹ طلب کرلی
