فیکٹری میں بوائلر پھٹنے سے 3 مزدور جاں بحق، متعدد زخمی

فیکٹری میں بوائلر پھٹنے سے 3 مزدور جاں بحق، متعدد زخمی

باغی ٹی وی کی رپورٹ کے مطابق پنجاب کے شہر فیصل آباد میں سرگودھا روڈ پر ٹیکسٹائل ملز کا بوائلر پھٹنے سے 3 مزدور جاں بحق جبکہ 15 سے زائد زخمی ہوگئے۔

واقعہ فیصل آباد کے علاقے سرگودھا روڈ پر پیش آیا، سمانہ پُل کے قریب ٹیکسٹائل ملز کا بوائلر پھٹنے سے 3 مزدور جھلس کر موقع پر جاں بحق ہوگئے جبکہ 15 سے زائد افراد کو شدید زخمی حالت میں الائیڈ ہسپتال منتقل کر دیا گیا

بوائلر پھٹنے سے ملز کی عمارت بھی زمین بوس ہوگئی۔ چھت کے ملبے تلے دب کر متعدد افراد لاپتہ بھی ہوگئے جن کی تلاش کیلئے ریسکیو کی جانب سے سرچ آپریشن بھی جاری ہے۔ ریسکیو کے مطابق بوائلر گیس کا پریشر زیادہ ہونے کے باعث پھٹا جس سے ناخوشگوار واقع پیش آیا۔

واضح رہے کہ چند دن قبل پنجاب کے صوبائی دارالحکومت لاہور میں فیکٹری میں آتشزدگی سے د س افراد جاں بحق ہو گئے تھے.