قوم زندگی اور موت کی کشمکش میں اور حکومتی ترجمان جگت بازی میں مصروف، مریم اورنگزیب برس پڑی
باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ قوم زندگی اور موت کی کشمکش میں ہے اور حکومتی ترجمانوں نے جگت بازی ،سیاسی تماشہ اور لکی ایرانی سرکس لگایا ہوا ہے
مریم اورنگزیب کا مزید کہنا تھا کہ عوام کے گھروں میں قیامت آئی ہوئی ہے لیکن حکومتی ترجمانوں کو جگتیں سوجھ رہی ہیں ،اگر ان کا یہ رویہ نہ ہوتا تو قوم اور ملک آج اس افراتفری اور انتشار میں نہ ہوتا ،کورونا کا مقابلہ سوشل میڈیا پر جگت بازی سے نہیں ہوگا ، نواز شریف اور شہبازشریف کی صحت کی بنائی ہوئی سہولیات کو ہی آج بھی استعمال کیاجارہا ہے ،شہباز شریف کا ڈینگی کے خلاف بنایا ہوا ڈیش بورڈ آج کورونا سے قوم کو بچانے کے لئے استعمال ہورہا ہے
مریم اورنگزیب نے مزید کہا کہ نوازشریف اور شہبازشریف نے ملک اور قوم کے لئے کیا ہے پاکستان کی عوام اور ساری دنیا جانتی ہے ،حکومتی ترجمان اور وزراء سیاسی نمبر سکورنگ سے کچھ عرصہ کے لئے پرہیز کریں تو بہتر ہوگا ،اس نوعیت کے بیانات سے معاشرے میں انتشار بڑھے گا، حالات اس کے متحمل نہیں ہوسکتے ،حالات کی سنگینی کو دیکھتے ہوئے ذاتیات، سیاسی انا سے اوپر اٹھتے ہوئے تدبر، عقل اور دانشمندی کا مظاہرہ کرنا ہوگا ،قوم آپ کی طرف دیکھ رہی ہے، اس طرح کی گفتگو کرکے قوم کو مزید مایوس نہ کریں
کرونا وائرس، شہباز شریف کی زیر صدارت اجلاس،قومی لائحہ عمل کریں گے کب پیش؟ اعلان کر دیا
