سندھ میں کب تک کرونا وائرس ختم نہیں ہو گا؟ چینی ڈاکٹر نے وزیراعلیٰ سندھ کو کیا کہا؟

سندھ میں کب تک کرونا وائرس ختم نہیں ہو گا؟ چینی ڈاکٹر نے وزیراعلیٰ سندھ کو کیا کہا؟
باغی ٹی وی کی رپورٹ کے مطابق وزیراعلیٰ سندھ سید مراد علی شاہ سے چین کے ڈاکٹروں کے 9 رکنی اعلیٰ سطحیٰ وفد نے ملاقات کی اس موقع پر سندھ کی صوبائی وزیر صحت ڈاکٹر عذرہ پیچوہو بھی موجود تھیں

وزیر اعلی سندھ سید مراد علی شاہ کا کہنا تھا چین نے کورونا وائرس پر قابو پایا، جانی نقصان پر افسوس ہے، ہمیں کورونا وائرس پر قابو پانے کیلئے آپ کی رہنمائی کی ضرورت ہے، ہم اپنی ٹیسٹنگ کیپسٹی بڑھا رہے ہیں، ہمیں آپ سے ریپڈ ٹیسٹنگ مشینری اور کٹس چاہئیں، ہمارے بہت ہی محدود وسائل ہیں، ہم 2040 ٹیسٹ یومیہ کر سکتے ہیں۔

چینی وفد نے وزیراعلیٰ سندھ سے کہا کہ چین کی حکومت سندھ حکومت کے ساتھ ہر قسم کی مدد کرنا چاہتی ہے۔ وفد نے مشورہ دیا کہ لوگوں کو کہیں کہ گھروں کی کھڑکیاں کھول کر قدرتی ہوا لیں۔

وزیراعلیٰ سندھ نے کہا بغیر علامت کے بھی کورونا وائرس کے مریض ظاہر ہوئے ہیں، جس پر چینی میڈیکل ٹیم نے کہا ایسے مریضوں کا بھی آئیسولیشن میں رہنا ضروری ہے، راشن کی تقسیم میں بھی ہجوم نہیں ہونا چاہئے، نظم وضبط کا مظاہرہ کرنا ہے۔جب تک آپ کی عوام سماجی دوری اور نظم و ضبط کا مظاہرا نہیں کریں گی وائرس ختم نہیں ہوگا.

قبل ازیں وزیراعلیٰ سندھ سید مراد علی شاہ نے کہا کہ کورونا وائرس کے گذشتہ 24 گھنٹوں میں مزید 50 مریض سامنے آئے ہیں، آج کورونا کے خلاف جنگ میں 2 لوگ زندگی کی بازی ہار گئے، کورونا وائرس کے سبب ابھی تک 20 اموات ہوچکی ہیں،ہم نے گذشتہ 24 گھنٹوں میں 758 ٹیسٹ کئے ہیں، اب تک ہونے والے ٹیسٹوں کی تعداد 10981 ہے،

وزیراعلیٰ سندھ سید مراد علی شاہ کا مزید کہنا تھا کہ 50 نئے کیس سامنے آنے کے بعد سندھ میں کیسز کی کل تعداد 1036 ہوگئی ہے، 382 مریض گھروں میں آئیسولیشن ہیں، 97 مریض مختلف آئیسولیشن سینٹرز میں ہیں ،

وزیراعلیٰ سندھ کا مزید کہنا تھا کہ ہم ٹیسٹ کرنے کی صلاحیت کو بڑھانے کی بھر پور کوشش کر رہے ہیں،لاک ڈائون مزید سخت کرنے کی ہدایت دی ہے؛آپ احتیاط کریں، اگر ہم اپنی مدد آپ نہیں کریں گے تو ہماری مدد کوئی نہیں کرے گا،شب برات مغفرت اور رحمت کی رات ہے،رب العزت ہماری دھرتی کو شاد آباد رکھے اور مصیبتوں سے نجات عطا فرمائے،عوام سے گزارش کرتا ہوں کہ شب برات پر اپنے گھروں میں رہتے ہوئے بزرگوں اور ملک و قوم کیلئے دعائیں کریں،آج رات اپنے پیاروں جو اس فانی جہاں کو چھوڑ کر مالک حقیقی سے جا ملے ہیں ان کی مغرفت کیلئے گھروں میں بیٹھ کر دعا کریں،ہم سماجی فاصلہ اختیار کرتے ہوئے ہی کورونا وائرس سے نجات حاصل کر سکتے ہیں،علماءکرام سے درخواست ہے کہ وہ ٹی وی چینلز کے ذریعے شب برات کی فضیلت پر بات کریں، ایک بار بھر عوام سے گزارش ہے کہ سماجی دوری اختیار کریں اور گھروں میں رہیں،