لاہور میں کرونا سے بچاؤ کا 12 ہزار روپے والا انجکشن ڈھائی سے 6 لاکھ میں فروخت ہونے لگا

باغی ٹی وی کی رپورٹ کے مطابق کرونا سے بچاؤ کے انجکشن بلیک میں فروخت ہونے لگے، 12 ہزار والا انجکشن ڈھائی لاکھ سے 6 لاکھ میں فروخت ہونے لگا

نجی ٹی وی چینل اے آر وائی نے کوروناسے بچاؤ کا انجکشن بلیک میں بیچنے والے مافیا کو بے نقاب کردیا اور 12 ہزارمالیت والاانجکشن ڈھائی سے6لاکھ روپے میں بیچنے والے کو گرفتار کرلیا۔

اےآروائی نیوز کی ٹیم ‘ذمہ دار کون’ نے میڈیسن مافیا کیخلاف اسٹنگ آپریشن کیا اور کورونا سے بچاؤ کا انجکشن بلیک میں بیچنے والے مافیا کو بےنقاب کردیا۔ آپریشن کے دوران 12 ہزارمالیت والاانجکشن ڈھائی سے6لاکھ روپے میں بیچنے والے کو گرفتار کرلیا گیا

اے سی ماڈل ٹاؤن اور ڈپٹی ڈرگ کنٹرولرنے بروقت کارروائی کرتے ہوئے میڈیسن بلیک مارکیٹنگ گینگ کے 6ارکان کو رنگے ہاتھوں گرفتار کرلیا اور قبضے سے ایکٹیمرا انجکشنز برآمد کرلئے گئے۔ اےسی ماڈل ٹاؤن ذیشان رانجھا نے کہا ملزمان لوگوں سےپیسےلیکرغائب بھی ہوجاتےتھےجبکہ ڈپٹی ڈرگ کنٹرولرشوکت وہاب کاکہنا تھا کہ ادویہ کی بلیک مارکیٹنگ کاخاتمہ یقینی بنائیں گے۔

وزیراطلاعات پنجاب فیاض الحسن چوہان کا کہنا تھا کہ آروائی نیوزٹیم کاشکریہ اورخراج تحسین پیش کرتاہوں اور اےآروائی نیوزکی انتظامیہ کومعاملہ اٹھانے پر مبارکباد دیتا ہوں، انتہائی رذیل قسم کامافیا ہے، جو حساس صورتحال میں بھی پیسہ بٹوررہا ہے۔

کرونا وائرس کے مریضوں کا انجیکشن ایکٹمرا مارکیٹ‌ سے غائب ہو گیا

فیاض الحسن چوہان کا کہنا تھا کہ ایکٹیمراانجکشن کی درآمدکاسات آٹھ دن قبل فیصلہ ہواتھا، ہرمعاشرے میں ایسے لوگ موجود ہوتے ہیں جوخوف خدا سے عاری ہوتے ہیں، ایسی انسانیت سوزحرکت کرنےوالےکےخلاف قانون کاشکنجہ سخت کیا جائے گا

کورونا کے تشویشناک مریضوں کے لئےایکٹمرا انجیکشن خریدنے پرپابندی عائد کردی گئی ،کورونا ایکسپرٹ ایڈوائزری گروپ نے ایکٹمرا انجکشن کے ایس اوپیزجاری کردیئے ، محکمہ پرائمری اینڈ سکینڈی ہیلتھ نے ہسپتالوں کو ایکٹمراانجکشن خریدنے پر پابندی عائد کردی،اگر کوئی ہسپتال انجکشن خریدنا چاہتا ہے تو ضرورت کے مطابق آگاہ کرے گا۔

ڈی ایچ کیو ،ٹی ایچ کیو میں ایکٹمرا استعمال کرنے کافیصلہ کورونا ایکسپرٹ ایڈوائزری گروپ کریگا،ایکٹمراانجکشن کورونا مریضوں کو تجویز کرنے اور لگانے کیلئے ایکسپرٹ کی ضرورت ہوتی ہے ،

پرائمری اینڈ سکینڈی ہیلتھ کیئرپنجاب نے تمام ہسپتالوں کے سربراہان کو مراسلہ جاری کردیا۔

کورونا کے تشویشناک مریضوں کیلیےایکٹمرا انجیکشن خریدنے پرپابندی عائد