الیکٹرانک میڈیا رپورٹر ایسوسی ایشن کے زیر اہتمام تنخواہوں کی عدم ادائیگی کے خلاف میڈیا اداروں کے خلاف احتجاج کا سلسلہ جاری ہے.
باغی ٹی وی کی رپورٹ کے مطابق ایمرا کے زیر اہتمام آج سٹار ایشیا نیوز کے مالکان کے خلاف احتجاج کیا جائے گا، ایمرا نے اس حوالہ سے تیاریاں و انتظامات مکمل کر لئے ہیں، ایمرا کےصدر آصف بٹ کا کہنا ہے کہ اگر آج شام تک سٹار ایشیا کے ملازمین کو تنخواہیں ادا نہ کی گئیں تو ان کے گھر کا گھیراو کریں گے، اور انڈے و جوتے مارے جائیں گے،
آصف بٹ کا مزید کہنا ہے کہ تنخواہوں کی عدم ادائیگی کے حوالہ سے جن اداروں نے تنخواہیں نہیں دیں سب کے خلاف احتجاج کیا جائے گا، سٹار ایشیا کے مالک کے خلاف ان کی رہائشگاہ ملٹری اکاونٹس ہاوسنگ میں احتجاج کیا جائے گا،
احتجاج میں شرکت کے لئے ایمرا کی بس ساڑھے چار بجے کالج روڈ بٹ چوک ٹاون شپ سے روانہ ہو گی.
واضح رہے کہ نیوز ون نے گزشتہ روز اپنے بقایا جات ادا کر دئیے ہیں ، ایمرا نے نیوز ون کے خلاف بھی احتجاج کی کال دی تھی ، لیکن احتجاج سے قبل نیوز ون کے ملازمین کو بقایا جات کی ادائیگی ہو گئی.
