کرونا کی وجہ سے ٹریننگ نہیں کر سکے،انگلینڈ میں سیریز کیسی ہو گی؟ عابد علی کی پریس کانفرنس

کرونا کی وجہ سے ٹریننگ نہیں کر سکے،انگلینڈ میں سیریز کیسی ہو گی؟ عابد علی کی پریس کانفرنس

باغی ٹی وی کی رپورٹ کے مطابق قومی کرکٹ ٹیم کے اوپنر عابد علی نے ویڈیو لنک کانفرنس میں کہا ہے کہ انگلینڈ ٹور کے لئے موجودہ حالات میں جو تیاریاں ہوسکتی ہیں وہ کر رہے ہیں ۔

عابد علی کا کہنا تھا کہ تین چار ماہ کے بعد کرکٹ میں واپس آرہے ہیں ۔ انگلینڈ ٹور کے لئے تیار ہیں اور کوشش کریں گے کہ عمدہ کارکردگی دکھائیں۔ انگلینڈ ٹور مشکل ہوتا ہے کوشش ہو گی کہ اچھا پرفارم کریں،ویسٹ انڈیز اور انگلینڈ سیریز پہلے ہورہی ہے جس سے ہمیں تیاری کا موقع ملے گا۔ کرونا وائرس کی وجہ سے صورت حال مشکل ہے مگر ہمیں آگے بڑھنا ہے۔ ہمیں کرونا کو ذہنوں سے نکال کر کرکٹ کی طرف توجہ دینی ہے ۔

عابد علی کا مزید کہنا تھا کہ کوشش کروں گا کہ اپنی کارکردگی میں تسلسل کو برقرار رکھوں، ہم ایک ڈیڑھ ماہ پہلے انگلینڈ جارہے ہیں اچھی تیاری کا موقع ملے گا۔ میں چھوٹے ٹارگٹ سیٹ کرکے آگے بڑھتا ہوں ،کرونا وائرس کی وجہ سے ہم ٹریننگ نہیں کرسکے ۔ کوشش ہو گی کہ کوچنگ سٹاف سے رہنمائی لے کر پلان کے مطابق کھیلیں

عابد علی کا مزید کہنا تھا کہ میں ون ڈے اور ٹیسٹ میں ہر اوپنر کے ساتھ بہتر محسوس کرتا ہوں ۔ ہم پروفیشنل کھلاڑی ہیں ہمیں ہر جگہ خود کو ایڈجسٹ کرنا ہوگا۔ موجودہ حالات میں انگلینڈ سیریز ایک چیلنج ہوگی

کھیل کی ترقی و خوشحالی کے لیے پی سی بی کی پانچ سالہ حکمت عملی جاری