لاہور پولیس کی بڑی کاروائی،3 منشیات فروش گرفتار،31 کلو سے زائد منشیات برآمد

لاہور پولیس کی بڑی کاروائی،3 منشیات فروش گرفتار،31 کلو سے زائد منشیات برآمد

باغی ٹی وی کی رپورٹ کے مطابق سی سی پی او لاہور ذوالفقار حمید اور ڈی آئی جی آپریشنز اشفاق احمد خان کی ہدایت پرایس پی سٹی رضا صفدر کاظمی کی قیادت میں منشیات فروشوں کے خلاف کریک ڈاون جاری ہے

تھانہ شاہدرہ چوکی سگیاں پولیس نے منشیات فروشی کے حوالہ سے بڑی کاروائی کی ہے، پولیس نے تین منشیات فروش گرفتار کئے ہیں اور انکے قبضہ سے 31 کلو 900 گرام منشیات برآمد کی ہے

ایس پی سٹی کا کہنا ہے کہ ملزمان کے قبضہ سے لاکھوں مالیت کی 15 کلو 400 گرام چرس اور 16 کلو 500گرام افیون برآمد ہوئی،تھانہ شاہدرہ چوکی سگیاں پولیس نے ملزمان کو خفیہ اطلاع پر کاروائی کرتے گرفتار کیا.ملزمان منشیات کی سپلائی کے لیے جو گاڑی استعمال کرتے کو پولیس قبضہ میں لیا گیا..

ترجمان پولیس کے مطابق ملزمان عدنان, عبدالریحان اور ظہیر عباس کے خلاف منشیات فروشی ایکٹ کی خلاف ورزی کرنے پر مقدمات درج کر لیا گیا، انسداد منشیات فروشی کے حوالہ سے بڑی کاروائی کرنے پر ڈی ایس پی شاہدرہ افتخار وریا, ایس ایچ او شاہدرہ مقصود گجر ،انچارج چوکی سگیاں غلام باری اور انکی ٹیم کو شاباش تعریفی سرٹیفکیٹ اور نقد انعام دینے کا اعلان کیا گیا ہے

ایس پی سٹی رضا صفدر کاظمی کا کہنا ہے کہ منشیات فروشوں کے خلاف بلا امتیاز کاروائیاں کی جا رہی ہیں.منشیات فروشی کے حوالہ سے ڈویژن بھر میں کڑی نگرانی جاری ہے.