آصف زرداری نے عدالت میں صحافی کا چھینا موبائل

احتساب عدالت اسلام آباد میں جعلی بینک اکاؤنٹس کیس کی سماعت 22جولائی تک ملتوی کر دی ،سابق صدرآصف زرداری نے صحافی کا موبائل فون چھین لیا

آصف زرداری احتساب عدالت پہنچ گئے ،احتساب عدالت کے جج ارشد ملک نے جعلی اکاؤنٹس کیس کی سماعت کی

جج ارشد ملک نے کہا کہ جوملزمان آئے ہوئے ہیں ان کی حاضری لگا کرتاریخ دے دیتے ہیں،انورمجید کی میڈیکل رپورٹ عدالت میں جمع کروا دی گئی ، ڈاکٹر نے کہا کہ انور مجید شدید بیمار ہیں سفر نہیں کر سکتے، جس پر عدالت نے پوچھا کہ انور مجید کی کیا عمر ہے ،وکیل صفائی نے کہا کہ انور مجید کی عمر 78 سال ہے،انورمجید کی میڈیکل رپورٹ احتساب عدالت میں جمع کرا دی گئی ،انور مجید کی عدم منتقلی پر شوکاز کا جواب عدالت میں پیش کر دیاگیا جیل سپرنٹنڈنٹ کی جانب سے تحریری جواب جمع کرایا گیا

جج ارشد ملک نے کہا کہ آپ کیا کہتے ہیں کیس چلے نہ چلے وہ کراچی ہی رہیں گے؟اس مسئلے کا حل کیا سوچا ہے آپ نے کیا کرنا ہے؟ جس پر جیل حکام نے کہا کہ انور مجید 78 سال کے ہیں اور شدید بیمار ہیں،انور مجید کو نہ جہاز نہ ہی گاڑی کے ذریعے لایا جا سکتا ہے . جج نے سوال کیا کہ وہپہلے کیسے چلتے پھرتے تھے ؟ ہوم سیکرٹری سندھ نے کہا کہ انور مجید کو سپریم کورٹ نے بھی طلب کیا تھا،طبی وجوہات پر ہی انور مجید کو سپریم کورٹ بھی نہیں لایا جا سکا تھا، چیف جسٹس نے خود کراچی میں اسپتال کا دورہ کیا تھا ،چیف جسٹس کے دورے کے بعد میڈیکل بورڈ تشکیل دیا گیا تھا، سپریم کورٹ نے بھی انور مجید کو حاضری سے استثنیٰ دیا تھا ،