باغی ٹی وی کی رپورٹ کے مطابق وزیرِ اطلاعات پنجاب فیاض الحسن چوہان نے کہا ہے کہ وزیر اعظم عمران خان کی قیادت میں نیشنل کمانڈ اینڈ کنٹرول سنٹر نے خدمت اور جذبے کے 100 دن مکمل کر لیے۔
فیاض الحسن چوہان کا کہنا تھا کہ کرونا کے خلاف جنگ میں کم وسائل کے باوجود واضح کامیابیوں پر این سی او سی مبارکباد کا مستحق ہے۔ 26 فروری سے ابتک ملک بھر میں کرونا مریضوں کے لیے 27000 بیڈز مختص کیے گئے ہیں۔ ہیلتھ ورکرز کے لیے خصوصی ریلیف پیکج سمیت کمزور طبقات کے لیے 149 ارب کا ریلیف پیکج دیا گیا۔
فیاض الحسن چوہان کا مزید کہنا تھا کہ آج پاکستان وینٹی لیٹرز اور پی پی ایز بنانے میں خود کفیل ہے۔ ملک بھر کی 132 لیبارٹریز میں کرونا ٹیسٹ کی روزانہ استعداد 60 ہزار روزانہ تک پہنچ چکی ہے۔ سردار عثمان بزدار کی قیادت میں پنجاب حکومت کرونا کے خلاف محاذ پر کامیابیاں سمیٹ رہی ہے۔
فیاض الحسن چوہان کا مزید کہنا تھا کہ ٹویٹر پر "کرونا کے خلاف جنگ بزدار کے سنگ” کا ٹاپ ٹرینڈ بننا سردار عثمان بزدار پر عوامی اعتماد کی دلیل ہے۔ عوام کو حکومت کے ساتھ ملکر کرونا کے خلاف جنگ جیتنی ہے۔ عوام مجوزہ حکومتی ایس او پیز پر عمل کر کے کرونا کے خاتمے میں حکومت کا ساتھ دے۔
کوروناوائرس سے نمٹنے کے لیے نیشنل کمانڈ اینڈ آپریشن سنٹر کے 100دن مکمل ہو گئے ،
نیشنل کمانڈ اینڈ آپریشن سنٹر کے حکام کا کہنا ہے کہ کوروناوائرس سے نمٹنے کے لیے دن رات حکمت عملی واضح کی، کورونا کے پھیلاؤ کو روکنے اور معیشت کو بحال رکھنے کی حکمت عملی بنائی گئی،آج ڈاکٹرز، پیرا میڈکس اور سیکیورٹی فورسز کو خراج تحسین پیش کرنے کا دن ہے،کوروناوائرس سے نمٹنے کے لیے ہر پاکستانی ایک ہیرو ہے
کورونا پر کافی حد تک کنٹرول ،لیکن خطرہ اب بھی موجود ہے،وزیر اطلاعات
