پنجاب میں کسی قسم کاغیرقانونی بلڈ بنک نہیں چلنے دینگے۔ڈاکٹر یاسمین راشد

باغی ٹی وی کی رپورٹ کے مطابق صوبائی وزیرصحت ڈاکٹریاسمین راشدکی زیرصدارت محکمہ سپیشلائزڈہیلتھ کئیر اینڈ میڈیکل ایجوکیشن میں اعلی سطحی اجلاس ہوا،

اجلاس میں سیکرٹری صحت برسٹرنبیل اعوان، سپیشل سیکرٹری سلوت سعید، ایڈیشنل سیکرٹری ڈاکٹرسلمان شاہد، وائس چانسلر فاطمہ جناح میڈیکل یونیورسٹی پروفیسرڈاکٹرعامرزمان خان، سیکرٹری پنجاب بلڈٹرانفیوژن اتھارٹی ڈاکٹراطہرو دیگر افسران نے شرکت کی۔

صوبائی وزیرصحت ڈاکٹریاسمین راشدنے پنجاب بلڈٹرانفیوژن اتھارٹی کی کارکردگی اورمزیداستدکاربڑھانے کیلئے مختلف تجاویزکا جائزہ لیا۔ سیکرٹری پنجاب بلڈٹرانفیوژن اتھارٹی ڈاکٹراطہرنے صوبائی وزیرصحت کوادارہ کی کارکردگی بارے بریفنگ دی۔

صوبائی وزیرصحت ڈاکٹر یاسمین راشد کا کہنا تھا کہ بلڈسکریننگ کے عمل کومزید بہتربنایاجارہا ہے۔ پنجاب بلڈٹرانفیوژن اتھارٹی کی استدکار بڑھائی جارہی ہے۔ پنجاب میں کسی قسم کاغیرقانونی بلڈ بنک نہیں چلنے دینگے۔ غیرلائنسڈ بلڈبنکس کو غیرقانونی تصور کیا جائیگا۔

ڈاکٹریاسمین راشد کا مزید کہنا تھا کہ پنجاب کے تمام سرکاری ہسپتالوں میں بلڈبنکس موجود ہیں۔ پنجاب بلڈٹرانفیوژن اتھارٹی کومزیدب جٹ دے کر بلڈبنکس کی کارکردگی کو بڑھایاجارہاہے۔ پنجاب بلڈٹرانفیوژن اتھارٹی میں خالی اسامیوں پرفوری بھرتی کی جائے۔ بلڈبنکس کے معیار کو بین الاقوامی معیارکے مطابق جانچا جائیگا۔ بلڈبنکس میں صفائی ستھرائی کا خاص خیال رکھاجائے۔ جدید طرز کے مطابق سکرینگ کے عمل کویقینی بنایاجائے۔ پنجاب میں 41 بلڈبنکس کو ایس اوپیز پرعملدرآمد نہ کرنے پربند کر دیاگیا۔ بلڈٹرانفیوژن سسٹم کوپنجاب بلڈٹرانفیوژن سیفٹی ایکٹ 2016 کے مطابق سینٹرلائزڈکیاجائیگا۔ افسران کی باقاعدہ پیشہ وارانہ تربیت کا میکنزم بنایاجائے۔ پنجاب بلڈٹرانفیوژن اتھارٹی کی کارکردگی کا باقاعدگی سے جائزہ لیاجائے گا۔