وزیراعظم عمران خان کا "حسینہ ” سے رابطہ. دی دورہ پاکستان کی دعوت
باغی ٹی وی کی رپورٹ کے مطابق وزیر اعظم عمران خان نے بنگلہ دیش کی وزیراعظم شیخ حسینہ واجد سے ٹیلی فونک رابطہ کیا ہے
دونوں رہنماؤن کے مابین کرونا کی صورتحال و دیگر امور پر بات چیت ہوئی،وزیراعظم نے قرض ریلیف کے لیے عالمی مہم سے شیخ حسینہ کو آگاہ کیا،وزیراعظم نے حالیہ سیلاب سے بنگلہ دیش میں نقصان پر دکھ کا بھی اظہارافسوس کیا،وزیراعظم عمران خان نے متاثرین کی جلد بحالی اور صحت یابی کے لیے دعا کی
وزیراعظم ہاؤس سے جاری اعلامیہ کے مطابق وزیراعظم نے دونوں ملکوں کوتعلقات مزید مستحکم پر بات بھی کی، وزیر اعظم نے وائرس کے پھیلاؤ پر قابو پانے کے لئے بنگلہ دیش کی قیادت کے اقدامات کی تعریف کی۔
دونوں رہنماؤں نے کرونا وائرس میں درپیش متعدد چیلنجوں سے نمٹنے کے لئے اپنے اپنے اقدامات پر تبادلہ خیال کیا۔ وزیر اعظم عمران نے کرونا سے بچاؤ کے لئے پاکستان کے اقدامات کے حوالہ سے حسینہ واجدکو آگاہ کیا۔
وزیر اعظم عمران خان نے بنگلہ دیش کے ساتھ قریبی تعلقات کے لیے پاکستان کی اہمیت پر روشنی ڈالی اور دوطرفہ رابطوں اور عوام سے عوام کے تبادلے کی اہمیت پر روشنی ڈالی۔وزیر اعظم عمران خان نے پائیدار امن اور خوشحالی کے لئے علاقائی تعاون کو بڑھانے کے لئے کام کرنے والے دونوں ممالک کی اہمیت پربھی بات کی
وزیر اعظم عمران خان نے مقبوضہ جموں کشمیر کی سنگین صورتحال کے بارے میں پاکستان کے نقطہ نظر کے حوالہ سے بھی حسینہ واجد کو آگاہ کیا اور محفوظ اور خوشحال خطے کے لئے جموں و کشمیر کے تنازعہ کے پرامن حل کی اہمیت پر زور دیا۔
وزیر اعظم عمران خان نے شیخ حسینہ واجد کو دورہ پاکستان کے لئے بھی دعوت دی،اور کہا کہ پاکستان باہمی اعتماد ، باہمی احترام اور خودمختاری مساوات کی بنیاد پر بنگلہ دیش کے ساتھ برادرانہ تعلقات کو گہرا کرنے کے لئے پرعزم ہے
