باغی ٹی وی کی رپورٹ کے مطابق پاکستان میں کرونا کیسز میں بتدریج کمی ہو رہی ہے تا ہم این سی او سی کی جانب سے شہریوں کو بار بار کہا جا رہا ہے کہ وہ احتیاط کریں ،کرونا دوبارہ پھیل سکتا ہے
گزشتہ 24 گھنٹے میں پاکستان میں کورونا وائرس سے مزید15 افراد جاں بحق ہو گئے جبکہ 539نئے مریض سامنے آئے ہیں،پاکستان میں کورونا سے اموات کی مجموعی تعداد 6 ہزار 97 ہو گئی ہے اور 2 لاکھ 84 ہزار 660 مریض ہیں.
پاکستان میں کورونا کے 2 لاکھ 60 ہزار 248 مریض صحت یاب ہوچکے ہیں۔ جبکہ اس وقت ملک بھر میں کورونا کے ایکٹیو کیسز کی تعداد 17 ہزار 7 سو 91 ہے۔
سندھ میں کورونا مریضوں کی تعداد ایک لاکھ 23 ہزار 546 اور خیبر پختونخوا میں کورونا مریضوں کی تعداد 34 ہزار 635 ہو گئی ہے۔ بلوچستان میں 11 ہزار 884، اسلام آباد میں 15 ہزار 241، آزاد جموں و کشمیر میں 2 ہزار 134، گلگت بلتستان دو ہزار 321 اور پنجاب میں 94 ہزار 360 کورونا مریض ہیں.
پنجاب میں کورونا وائرس سے جاں بحق افراد کی تعداد 2 ہزار 169، سندھ میں 2 ہزار 262، خیبر پختونخوا میں ایک ہزار 230، اسلام آباد میں 171، بلوچستان میں 137، آزاد کشمیر میں 58 اور گلگت بلتستان میں 55 ہو چکی ہے،این سی او سی کے مطابق ملک بھر کےاسپتالوں میں 153 مریض وینٹی لیٹر پر ہیں جبکہ اسپتالوں میں کورونا وینٹی لیٹرز کی تعداد ایک ہزار 859 ہے۔ اس وقت ایک ہزار 334 مریض اسپتالوں میں داخل ہیں.
گزشتہ 24 گھنٹے کے دوران پاکستان میں 23 ہزار 390 کورونا ٹیسٹ کیے گئے ہیں۔ ملک بھر میں مجموعی طور پر کورونا کے 21 لاکھ 27 ہزار 89 ٹیسٹ کیے جا چکے ہیں۔
