سندھ اور بلوچستان کو ملانے والا پل، حب چوکی کے قریب، حکومتی توجہ کا منتظر
![](https://baaghitv.com/wp-content/uploads/2020/09/hub.jpg)
باغی ٹی وی کی رپورٹ کے مطابق سندھ اور بلوچستان کو ملانے وال حب چوکی کے قریب گرنے کے قریب پہنچ گیا
کراچی میں شدید بارشوں کے بعد سیلابی پانی کا ریلا گزرنے سے پل کے پلر ٹیڑھے ہو گئے، پل کی بنیادیں بھی ٹیڑھی ہو گئی ہیں،باغی ٹی وی کو موصول ہونے والی ویڈیو میں دیکھا جا سکتا ہے کہ پل کی بنیادیں ٹیڑھی ہو چکی ہیں اور کسی بھی وقت حادثہ ہو سکتا ہے
شہریوں نے حکومت سے مطالبہ کیا ہے کہ پل کی حالت دیکھ کر فوری اس پر مرمتی کام شروع کروائیں اس سے قبل کہ کوئی بڑا حادثہ پیش آئے اور قیمتی جانوں کا ضیاع ہو، یہ پل سندھ اور بلوچستان کو ملانے والا پل ہے اور اس پر ٹریفک بہت زیادہ ہوتی ہے، کراچی سے بلوچستان جانے اور آنے والی گاڑیاں اسی پل پر سے گزرتی ہیں، پل کی حالت اتنی خراب ہو چکی ہے کہ کسی بھی وقت حادثہ ہو سکتا ہے
حب ریور روڈ حب چوکی کے مین پل کی خستہ حالی
جس سے بڑا حادثہ رونما ہو سکتا ہے pic.twitter.com/j6GtjgAVW7— Ghulam Muhammad TK(M)-1 (@gm_ayazi) September 5, 2020
شہریوں کا کہنا ہے کہ جب حادثہ ہو جاتا ہے تو پھر سب ادارے پہنچ جاتے ہیں ضرورت اس بات کی ہے کہ حادثہ ہونے سے پہلے ہی اس پل کی مرمت کروا لی جائے تا کہ کسی بڑی نقصان سے بچا جا سکے