کرونا سے پاکستان میں مزید 4 اموات

باغی ٹی وی کی رپورٹ کے مطابق پاکستان میں کرونا کیسز میں مسلسل کمی آ رہی ہے، گزشتہ 24 گھنٹوں میں 539 نئے مریض سامنے آئے ہیں جبکہ 4 اموات ہوئی ہیں

پاکستان میں کرونا سے اب تک مجموعی طور پر 6 ہزار 383 افراد جان کی بازی ہار چکے ہیں جبکہ 3 لاکھ 2 ہزار 2 مریض سامنے آئے ہیں،پاکستان میں اب تک 2 لاکھ 89 ہزار 806 کورونامتاثرین صحت یاب ہوچکے ہیں۔ گزشتہ 24 گھنٹے کےدوران کورونا کے 28 ہزار 823 ٹیسٹ کیے گئے ہیں۔

این سی او سی کے مطابق سندھ میں کورونا کیسز کی تعداد ایک لاکھ 32 ہزار 84 ہوگئی ہے۔ پنجاب میں 97 ہزار760، خیبر پختونخوا میں 36 ہزار 992، بلوچستان میں 13 ہزار595، اسلام آباد میں 15 ہزار 941، آزاد جموں و کشمیر میں 2 ہزار421 اور گلگت میں 3 ہزار227 مریض سامنے آ چکے ہیں

کورونا وائرس کے باعث پنجاب میں 2 ہزار 217 اور سندھ میں 2 ہزار 445،خیبر پختونخوا میں ایک ہزار 257، اسلام آباد میں  178، بلوچستان میں 145، ‏گلگت بلتستان میں 76 اور آزاد کشمیر میں 65 اموات ہو چکی ہیں،

پاکستان میں کورونا کا پہلا کیس 26 فروری کو رجسٹرڈ ہوا اور ایک ہزاراموات 21 مئی تک ہوئیں۔ وزارت صحت کا کہنا ہے کہ کیسز میں اضافے کی رفتار کافی سست ہوچکی ہے لیکن پھر بھی احتیاط کی ضرورت ہے۔ پاکستان کے 735 اسپتالوں میں کورونا مریضوں کےلیے سہولیات ہیں اور اسپتالوں میں کورونا کے مریضوں کیلئے وینٹی لیٹرزکی تعدادایک ہزار920 ہے۔