کام چوروں کا احتساب ہو گا، وزیر اعظم کا دبنگ اعلان

وزیر اعظم عمران خان نے کہا ہے کہ شوکت خانم ہسپتال میں ہر مریض ڈاکٹر کیلئے وی آئی پی ہوتا ہے‘ عملہ سب کا یکساں علاج کرتا ہے اور کوئی امتیازی سلوک نہیں کیا جاتا۔

باغی ٹی وی کی رپورٹ کے مطابق وزیر اعظم عمران خان نے لاہور میں شوکت خانم کی فنڈ ریزنگ کی تقریب سے خطاب کرتے ہوئے کہا کہ سرکاری ہسپتالوں کو بھی شوکت خانم کی طرز پر چلانے کی کوشش کریں گے، جب تک سرکاری ہسپتالوں کے معاملات درست نہیں ہوں گے مریضوں کو بہتر علاج نہیں مل سکتا، سرکاری ہسپتالوں میں سزا و جزا کا عمل لائیں گے اچھا کام کرنیوالوں کو شاباش ملے گی اور کام چوروں‌ کا احتساب ہوگا، وزیر اعظم عمران خان نے مزید کہا کہ کراچی میں بھی شوکت خانم بن رہاہے، شوکت خانم اللہ کی رضا کے لئے کام کر رہاہے ،انہوں نے ڈونرز کا شکریہ ادا کیا. ہسپتال کے عملے کو خراج تحسین پیش کیا، قبل ازیں وزیر اعظم لاہور پہنچے تو وزیر اعلیٰ پنجاب عثمان بزدار نے ان کا استقبال کیا، وزیرا عظم نے گورنر پنجاب سے بھی ملاقات کی.