باغی ٹی وی کی رپورٹ کے مطابق پاک سرزمین پارٹی کے سربراہ مصطفیٰ کمال نے کہا ہے کہ اب حکومت کے ساتھ اپوزیشن پارٹیوں سے بھی عوام نا امید ہیں،
مصطفیٰ کمال کا کہنا تھا کہ اپوزیشن یا انکے کسی بندے کو برا بھلا کہنا حکومتی وزرا کا کام بن گیا ہے ،حکومت کو ڈھائی سال ہوگئے انکی الیکشن کمپین اب تک ختم نہیں ہوئی،جلسے جلوس ہورہے ہیں اور وفاقی حکومت کو ناجائز اور نااہل کہتے ہیں،ملک کا نظام اس طرح دیر تک نہیں چل سکتا، پاکستان اسوقت سٹیٹس کو شکار ہو گیا ہے، میرے نزدیک اگر کسی قوم کو تباہ کرنا ہو تو اس سے امید چھین لو،سیلاب کی تباہی بربادی کے ایک ماہ بعد گیارہ جماعتوں نے جلسہ کیا،
مصطفیٰ کمال کامزید کہنا تھا کہ حالات اتنے برے ہیں کہ عدالتیں فیصلہ دے رہی ہیں کہ اب اگر کسی ڈسٹرکٹ میں کتے نے کسی کو کاٹا تو ایف آئی آر ڈی سی کے خلاف کٹے گی۔ عوام بدترین حال میں رہنے پر مجبور ہیں،بنیادی انسانی حقوق میسر نہیں۔ حکمران صرف کرپشن میں سرگرم ہیں۔
مصطفیٰ کمال کا مزید کہنا تھا کہ کراچی والو باہر نکلو ورنہ تمھاری نسلوں کو یہ گدھ نوچتے رہیں گے ،کراچی کے نظام کو تعلیمی اداروں کو سرکاری ہسپتالوں میں بہترین علاج کے لیئے مہنگائی کے خلاف اٹھو اے کراچی والوں اس جلسے میں بھرپور شرکت کرو اپنی فیملی کے ساتھ شرکت کرو یہ جلسہ تمھارا اپنا جلسہ ہے،8 نومبر کو باغ جناح کے عوامی جلسے میں بھرپور شرکت کریں
کراچی کی عوام کو ایک قطرہ پانی کا نہ دینے والے انقلاب لانے کی بات کر رہے ہیں، مصطفیٰ کمال برس پڑے
