وزیراعلیٰ کو توہین عدالت کا نوٹس جاری، سپریم کورٹ نے ذاتی حیثیت میں طلب کر لیا
باغی ٹی وی کی رپورٹ کے مطابق سپریم کورٹ نے کراچی سرکلر ریلوے کیس میں وزیراعلیٰ سندھ کو توہین عدالت کانوٹس جاری کر دیا گیا
سپریم کورٹ میں کراچی سرکلر ریلوے کیس کی سماعت ہوئی،چیف جسٹس گلزاراحمد کی سربراہی میں بنچ نے کیس کی سماعت کی،ایف ڈبلیو او کو تاحال ٹھیکہ نہ دینے پر سپریم کورٹ نے اظہار برہمی کیا،
چیف جسٹس گلزاراحمد نے کہاکہ سرکولر ریلوے کا کام 2 ماہ میں مکمل ہو جانا چاہیے تھا،صرف اوور ہیڈ برج اور تھوڑا سا اور کام ہے ،ایف ڈبلیو او نے تاحال کام کیوں نہیں شروع کیا؟،ڈی جی ایف ڈبلیو او نے کہاکہ ہم نے ڈیزائن بنا کر دیاتھا سندھ حکومت نے تاحال منظور نہیں کیا۔
سپریم کورٹ نے وزیراعلیٰ سندھ کوتوہین عدالت کا نوٹس جاری کردیا، عدالت نے وزیراعلیٰ سندھ سید مراد علی شاہ کو سرکلر ریلوے کیس میں توہین عدالت کا نوٹس جاری کیا ،سرکلرریلوے کیلئے تعمیراتی کام کے ڈیزائن کی منظوری نہ دینے پرنوٹس جاری ہوا ۔ آئندہ سماعت پر وزیراعلی سندھ کو سپریم کورٹ نے ذاتی حیثیت میں طلب کر لیا
