ایرانی سفیر کی اسد قیصر سے ملاقات،خطے میں امن بارے ہوئی بات چیت
باغی ٹی وی کی رپورٹ کے مطابق ایران کے سفیر سید محمد علی حسینی کی اسپیکرقومی اسمبلی اسد قیصر سے ملاقات ہوئی ہے
ملاقات میں دوطرفہ تعلقات سمیت اہم علاقائی و عالمی امور پر تبادلہ خیال کیا گیا، اسپیکر قومی اسمبلی اسد قیصر کا کہنا تھا کہ پاکستان ایران کے ساتھ اپنے برادرانہ اور دوستانہ تعلقات کو بڑی قدر کی نگاہ سے دیکھتا ہے،ایران اور پاکستان کے عوام ایک دوسرے سے گہری وابستگی رکھتے ہیں، پاکستان اور ایران کے مابین قریبی دوستانہ تعلقات خطے میں امن، ترقی اور خوشحالی کے لیے ناگزیر ہیں، موجودہ حکومت دونوں برادر ہمسایہ ممالک کے مابین تعلقات کو مزید وسعت دینے کی خواہش رکھتی ہے، باہمی مفادات کے لیے دونوں ممالک کو تجارت، سر مایہ کاری اور توانائی کے شعبوں میں تعاون کو فروغ دینا ہو گا،
ایران کے سفیر سید محمد علی حسینی کی اسپیکرقومی اسمبلی اسد قیصر سے ملاقات۔#baaghitv #pakistan #islamabad #PTIGovernment #Iran @AsadQaiserPTI @IRIMFA_EN pic.twitter.com/CdKbHCxfVx
— Baaghi TV باغی ٹی وی (@BaaghiTV) December 11, 2020
اسد قیصرکا مزید کہنا تھا کہ مسلمہ اُمہ کو درپیش مسائل سے نکانے کے لیے تمام مسلم ممالک کو مشترکہ کوششوں کی ضرورت ہے،پاکستان اور ایران کو امت مسلمہ کو درپیش مسائل کے حل کے لیے مل کر کام کرنا ہوگا، مسلم ممالک کے مابین تعاون کوفروغ دینے کے لیے محرک پارلیمانی سفارتکاری ضروری ہے، بین الاقوامی اہمیت کے حامل معاملات پر دونوں ممالک کو اتفاق رائے سے آگے بڑھنے کی ضرورت ہے،پاک-ایران باڈرز پر تجارتی سرگرمیاں بڑھانے کے لیے دونوں دوطرفہ اقدامات اٹھانے کی ضرورت ہے،دونوں ممالک میں تجارت کے وسیع مواقع موجود ہیں ان استفادہ حاصل کیا جا سکتا ہے،
ایرانی سفیرسید محمد علی حسینی کا کہنا تھا کہ ایران پاکستان کے ساتھ اپنے دوستانہ تعلقات بڑی اہمیت دیتا ہے، ایران خطے میں امن کے لیے پاکستان کو شراکت دار سمجھتا ہے، ایران کی قیادت اور حکومت دوطرفہ تعلقات کو مزید مستحکم بنانے کی خواہش مند ہیں، ایران کے سفیر نے دونوں ممالک کے مابین اقتصادی اور تجارتی تعلقات کو بڑھانے کے لیے سپیکر قومی اسمبلی کی کوششوں کی تعریف کی
ایرانی سفیرسید محمد علی حسینی کا کہنا تھا کہ دونوں اقوام کے درمیان قدیم تاریخی تعلقات پائے جاتے ہیں اور دونوں ہمسایہ ممالک ہر مشکل وقت میں ایک دوسر ے کے شانہ بشانہ کھڑے رہے ہیں،سلم ممالک کے مابین اتحاد کو فروغ دینے کے لیے پاکستان کا کردار قابل تحسین ہے، موثر طرز حکمرانی کے لیے دونوں ممالک کے مابین اداروں کی سطح پر تعاون کوفروغ دینے کی ضرورت ہے،
