پہلا ٹی ٹوینٹی میچ،پاکستان نے ٹاس جیت کر کیا فیصلہ کیا؟

پہلا ٹی ٹوینٹی میچ،پاکستان نے ٹاس جیت کر کیا فیصلہ کیا؟
باغی ٹی وی کی رپورٹ کے مطابق نیوزی لینڈ کے خلاف پہلے ٹی ٹوینٹی میچ میں پاکستان نے ٹاس جیت کر بیٹنگ کا فیصلہ کیا ہے

بابراعظم پریکٹس سیشن کے دوران انگوٹھے پر گیند لگنے کے باعث زخمی ہو گئے تھے جس کے باعث وہ ٹی ٹوینٹی سیریز نہیں کھیل سکیں گے ان کی جگہ شاداب خان قومی ٹیم کی کپتانی کے فرائض انجام دے رہے ہیں ۔

شاداب خان کا کہنا تھا کہ ہم نے اچھی تیاریاں کی ہیں اور یہ پرفارمنس دکھانے کا وقت ہے ، پچ بہت اچھی لگ رہی ہے اس لیے ہم پہلے بیٹنگ کریں گے ، نوجوان کھلاڑیوں کیلئے پرفارمنس دکھانے کا اچھا موقع ہے ۔

نیوزی لینڈ کے کپتان مچل کا کہنا تھا کہ پاکستان کے خلاف اچھا کھیلنے کی کوشش کریں گے ۔قومی ٹیم کی کپتانی شاداب کر رہے ہیں ، خوشدل شاہ، عماد وسیم ، فہیم اشرف،وہاب ریاض ، شاہین شاہ آفریدی ، حارث روف ، رضوان ،عبداللہ شفیق ، حیدرعلی اور محمد حفیظ ٹیم کا حصہ ہیں ۔

نیوزی لینڈ ٹیم میں مارٹن گپٹل، ٹم سیفرٹ، ڈیون کونوے اور گلین فلپس شامل ہیں۔ جمی نیشم، میچل سینٹنر، مارک چیپمین، سکاٹ کگلئین، اش سوڈھی، جیکب ڈفی اور بلئیر ٹکنر بھی ٹیم کا حصہ ہیں۔