صوبائی وزیر صنعت وتجارت میاں اسلم اقبال سے پنجاب سرمایہ کاری بورڈ کے کمیٹی روم میں دھان سیمنٹ کے سی ای اوانوارالحق شاد کی ملاقات ہوئی جس میں دھان سیمنٹ گروپ کی جانب سے کٹاس کے علاقے میں مائننگ کی لیز اور سیمنٹ پلانٹ لگانے کے لئے این او سی کے امور پر بات چیت کی گئی، ہمارے گروپ کو مائننگ کی لیز کی بحالی اور سیمنٹ پلانٹ لگانے کے لئے این او سی کے حصول کا مسئلہ درپیش ہے۔سی ای او دھان سیمنٹ گروپ نے کہا کہ دھان سیمنٹ گروپ ایسا سیمنٹ پلانٹ لگائے گا جہاں کلرڈ سیمنٹ تیار ہو گا۔
۔سی او او انوارالحق شاد نے مزید کہا کہ جرمن ماہرین کی تحقیق کی روشنی میں جدید ٹیکنالوجی کی مدد سے ایسا یونیک سیمنٹ تیار ہو گا جو پینٹ کا متبادل بھی ہو گا۔ہماری مائننگ کی لیز کی بحالی اور سیمنٹ پلانٹ لگانے کے لئے این او سی کے اجراء کا معاملہ جلد حل کیا جائے،
وزیر صنعت وتجارت میاں اسلم اقبال نے کہا کہ سیمنٹ سیکٹرمیں سرمایہ کاروں کو ترجیحی بنیادوں پر سہولیات فراہم کی جارہی ہیں۔ نیا سیمنٹ پلانٹ لگانے کے لئے متعلقہ پانچ محکموں کو 90روز کے اندر این او سی کے اجراء کا پابند بنایا گیا ہے۔ نئے سیمنٹ پلانٹ لگانے کے لئے حال ہی میں پانچ کمپنیوں کو این او سی جاری کئے گئے ہیں سیمنٹ ایکسپورٹ ایبل آئٹم ہے،سیمنٹ کی پیداوار بڑھانے کے لئے کوئی رکاوٹ حائل نہیں ہونے دیں گے۔
دھان سیمنٹ گروپ کو ماننگ کی لیز کی بحالی اور سیمنٹ پلانٹ لگانے کے لئے حکومت ہر ممکن سہولت فراہم کرے گی۔
میاں اسلم اقبال نے مزید کہا کہ برسوں سے نئے سیمنٹ پلانٹ لگانے کے لئے این او سی جاری نہیں ہورہے تھے،ہماری حکومت نے اسے ممکن بنایا اوورسیز پاکستانیوں کو ملک میں سرمایہ کاری کے لئے سہولتوں کی فراہمی وزیراعظم عمران خان کا ویژن ہے، سمندر پارپاکستانی کھلے دل سے سرمایہ کاری کریں،ہر ممکن سہولت دیں گے۔
