انسداد دہشت گردی عدالت کا ایک اور فیصلہ، جماعۃ الدعوۃ کے رہنماؤں کو مزید سزائیں سنا دیں
باغی ٹی وی کی رپورٹ کے مطابق انسداد دہشت گردی عدالت نے جماعۃ الدعوۃ کے رہنماؤں کو مزید دو مقدمات میں ساڑھے چودہ، چودہ سال قید کی سزائیں سنا دیں،
اے ٹی سی کورٹ نمبر 1 کے جج ارشد حسین بھٹہ کی عدالت میں سی ٹی ڈی کی طرف سے لاہور اور سرگودھا میں درج 23/19 اور 41/19 کی سماعت ہوئی جس میں گواہوں کے بیانات اور جرح مکمل ہونے کے بعد فیصلہ سنایا گیا ہے، انسداد دہشت گردی عدالت نمبر 1 کی طرف سے دونوں مقدمات میں جماعۃالدعوۃ کے مرکزی رہنما پروفیسر ظفر اقبال اور یحییٰ مجاہد کو ساڑھے چودہ ، چودہ سال جبکہ پروفیسر حافظ عبدالرحمن مکی کو چھ ماہ قید کی سزا سنائی گئی ہے،
گواہوں کے بیانات پر حافظ محمد سعید و دیگر رہنماﺅں کے وکیل نصیرالدین نیئر اور محمد عمران فضل گل ایڈووکیٹ کی طرف سے جرح کی گئی۔ اے ٹی سی کورٹ میں جماعةالدعوة کے رہنماﺅں کو پیش کئے جانے کے موقع پر سکیورٹی کے سخت انتظامات کئے گئے تھے۔
واضح رہے کہ انسداد دہشت گردی عدالتوں سے جماعۃ الدعوۃ کے رہنماؤں کو اس سے قبل بھی تین درجن سے زائد مقدمات میں سزائیں سنائی جا چکی ہیں،
