قانون نہیں تو وصولی کیسےِ؟ حکم دکھائیں، عدالت کا اظہار برہمی
باغی ٹی وی کی رپورٹ کے مطابق لاہور ہائیکورٹ کے جسٹس شمس محمود مرزا نے ای ٹکٹنگ چالان کیخلاف درخواست پر سماعت کی ،
دوران سماعت سیف سٹی اتھارٹی سے ای چالان کرنے کا عدالتی حکم طلب کر لیا گیا ۔ جسٹس شمس محمود مرزا نے استفسار کیا کہ کس قانون کے تحت ای چالان کیے جارہے ہیں ، سرکاری وکیل نے عدالت میں اعتراف کیا کہ ای چالان سے متعلق کوئی قانون موجود ہی نہیں ہے ،
عدالت نے برہمی کا اظہار کرتے ہوئے کہا کہ حکومت کو شرم آنی چاہیے ، قانون موجود نہیں تو ای چالان کیسے کیے جارہے ہیں ؟ قانون کے بغیر ہی لوگوں سے رقم وصول کی جا رہی ہے ۔
سرکاری وکیل نے عدالت میں دلائل دیتے ہوئے کہا کہ عدالتی حکم کے مطابق پیسے وصول کیے جارہے ہیں ، عدالت نے ریمارکس دیئے کہ اسمبلی نے قانون پاس نہیں کیا تو کیسے وصولیاں ہو سکتی ہیں ؟ آئندہ سماعت پر عدالتی حکم دکھائیں جس کے تحت وصولی کر رہے ہیں
