پنجاب کے بڑے شہر میں افسوسناک واقعہ،دو بچوں سمیت چار افراد قتل

پنجاب کے بڑے شہر میں افسوسناک واقعہ،دو بچوں سمیت چار افراد قتل

باغی ٹی وی کی رپورٹ کے مطابق پنجاب کے شہر میں ظلم کی انتہا ایک ہی خاندان کے چار افراد قتل کر دیئے گئے،

پنجاب کے ضلع سیالکوٹ کے متعلقہ تھانہ موترہ کی حدود میں افسوسناک واقعہ پیش آیا جہاں ایک ہی خاندان کے چار افراد کو تشدد کے بعد بیدردی سے گولیاں مار کر موت کی نیند سلا دیا گیا قتل ہونے والوں میں دو بچے ایک عورت ایک مرد شامل ہیں ،اطلاع پر پولیس موقع پر پہنچ گئی، پولیس کے مطابق جائیداد کے تنازع پرچارافراد کو قتل کیا گیا ہے، قتل ہونے والوں میں 1. عدنان ولد بشارت بعمر 25/26 سال، 2. مشل ذوجہ عدنان بعمر 20/22 سال، 3. عبدلحادی ولد بشارت بعمر 3 سال ، 4. ہانیہ فاطمہ دختر عدنان بعمر ڈیڑھ سال شامل ہیں پولیس کے مطابق اقوام جٹ ساکنائے کوٹلی کوکیاں اپنے گھر میں سوئے ہوئے تھے جنکو کسی نامعلوم نے عدنان کو بذریعہ فائر جبکہ مشل، عبدلحادی، اور ہانیہ فاطمہ کو تشدد کر کے قتل کر دیا ہے

دوسری جانب آئی جی پنجاب نے سیالکوٹ میں جائیداد کے تنازع پر بیٹے ، بہو ، پوتا اور پوتی کو قتل کرنے کے واقعہ کا نوٹس لیا ہے اور آر پی او گوجرانوالہ سے واقعہ کی رپورٹ طلب کرلی ہے، آئی جی نے ملزم کو گرفتار کر کے سخت قانونی کاروائی کا حکم دیا ہے