شیخ رشید کی لال حویلی کے قریب آتشزدگی

شیخ رشید کی لال حویلی کے قریب آتشزدگی

باغی ٹی وی کی رپورٹ کے مطابق راولپنڈی کے تجارتی مرکز اردو بازار میں آگ بھڑک اٹھی

وفاقی وزیر داخلہ شیخ رشید احمد کی لال حویلی کے عقب میں بازار مین آگ بھڑک اٹھی، ریسکیو ٹیمیں اور فائر بریگیڈ موقع پرپہنچ گئی، اور آگ بجھانے کی کوشش کی جا رہی ہے تا ہم نصف گھنٹے سے زائد وقت گزر گیا ابھی تک آگ پر قابو نہ پایا جا سکا، اطلاعات کے مطابق اردو بازار میں لگنے والی آگ نے مزید شدت اختیار کر لی ہے، کاغذ ہونے کی وجہ سے آگ تیزی سے پھیل گئی ریسکیو 1122 و امدادی اداروں کو آگ کو پھیلنے سے بچانے میں شدید مشکلات کا سامنا کرنا پڑ رہا ہے

ابتدائی اطلاعات کے مطابق آتشزدگی سے اردو بازار کی 50 دکانیں جل کر خاکستر ہو گئی ہیں، اردو بازار کے تاجروں کا لاکھوں روپے کا نقصان ہو چکا ہے، آگ کیسے لگی وجوہات کا تاحال پتہ نہ چل سکا