لالی ووڈ کی معروف اداکارہ میرا نے کورونا وائرس کی ہلکی علامات ظاہر ہونے کے بعد نیویارک میں ویکسین لگوالی۔
باغی ٹی وی : اداکارہ میرا نے اپنے تصدیق شدہ انسٹاگرام اکاؤنٹ پر اپنی کچھ ویڈیوز شیئر کیں جن میں اُنہیں کورونا ویکسین لگواتے ہوئے دیکھا جاسکتا ہے۔
میرا نے اپنی پوسٹ کے کیپشن میں لکھا کہ ’الحمداللہ! میں نے کچھ دن پہلے نیویارک میں کورونا ویکسین لگوالی ہے مجھے بخار، سر درد، تھکاوٹ اور جسمانی درد سمیت کورونا وائرس کی ہلکی علامات ظاہر ہوئی تھیں۔
اُنہوں نے لکھا کہ میں سب کو مشورہ دوں گی کہ آپ خود کو اور اپنے پیاروں کو محفوظ رکھنے کے لیے لازمی ویکسین لگوائیں۔
اداکارہ نے دُنیا بھر میں موجود اپنے مداحوں کے لیے نیک خواہشات کا اظہار کرتے ہوئے لکھا کہ براہ کرم ویکسین سے خوفزدہ نہ ہوں، یہ صرف اس وبائی امراض سے ہر کسی کو زندہ رہنے میں مدد فراہم کرنے کے لیے ہے۔
واضح رہے کہ واضح رہے کہ میرا امریکا میں معمول کے چیک اپ کے لئے کلینک گئیں تو پروٹوکول اور اپنی شہرت کے حوالے سے ڈاکٹر کو بتاتی رہیں۔ اداکارہ میرا نے ڈاکٹر سے کہا تھا کہ مجھے تحریک انصاف نے سینیٹ کی نشست کی پیشکش کی،مجھے پاکستان میں پروٹوکول ملتا ہے، آپ مجھے جانتے نہیں، وی آئی پی چیک اپ کریں۔
میرا کی اوٹ پٹانگ باتیں سننے کے بعد ڈاکٹر نے مینٹل ہیلتھ والوں کو اطلاع دے دی اور کہا کہ آپ شوبز سٹار ہوں گی مگر میں اصول کے مطابق مریضوں کو ڈیل کرتا ہوں۔
جس کے بعد سوشل میڈیا پر میرا کی والدہ کی ایک ویڈیو وائرل ہوئی تھی جس میں ان کا کہنا تھا کہ ان کی بیٹی کو کسی نے امریکا کے مینٹل اسپتال میں داخل کرادیا ہے۔
میرا نے عمران عباس کے ذریعے ان تمام خبروں کی تردید کی بعد ازاں اداکارہ میرا کے سسر راجہ پرویز نے دعویٰ کیا کہ ان کے بیٹے اور میرا کے شوہر کیپٹن نوید نے 50 ہزار ڈالر کی گارنٹی کے عوض میرا کو اسپتال سے فارغ کرایا۔
