بھارت میں 20 سال تک قتل کے الزام میں گرفتار پاکستانی سائنسدان ڈاکٹرخلیل چشتی وفات پا گئے

بھارت میں 20 سال تک قتل کے الزام میں گرفتار پاکستانی سائنسدان ڈاکٹرخلیل چشتی وفات پا گئے
باغی ٹی وی کی رپورٹ کے مطابق معروف پاکستانی مائیکروبائیولوجسٹ ڈاکٹرخلیل چشتی کراچی میں انتقال کرگئے،بیٹے نے تصدیق کردی

ڈاکٹرخلیل چشتی 80 سال کی عمرمیں بھارت سے رہا ہوکروطن واپس آئے تھے .ڈاکٹرچشتی بھارت میں 20 سال تک قتل کے الزام میں پھنسے رہے ڈاکٹرخلیل چشتی دسمبر2012 میں بھارت سے رہا ہوکرآئے ڈاکٹرچشتی کو12دسمبر2012 میں بھارتی سپریم کورٹ نے بری کیا تھا ڈاکٹرچشتی کو 1982میں بھارتی شہراجمیرمیں ایک شخص کے قتل کے الزام میں گرفتار کیا گیا تھا ڈاکٹرخلیل چشتی کی عمر89 برس تھی،وہ کافی عرصے سے علیل تھے

ڈاکٹر خلیل چشتی جب بھارت سے رہا ہو کر پاکستان پہنچے تھے تو اس وقت کے وفاقی وزیرِ داخلہ رحمان ملک، وفاقی وزیر بابر غوری اور دیگر حکام نے اسلام آباد کے بینظیر بھٹو انٹرنیشنل ایئرپورٹ پر ڈاکٹر خلیل چشتی کا استقبال کیا تھا جبکہ وزیرِ مملکت برائے خارجہ امور عماد ملک ان کو دہلی سے لینے گئے تھے ،ایئر پورٹ پر پیپلز پارٹی کے کارکن بھی وہاں موجود تھے اور انہوں نے ڈاکٹر خلیل چشتی پر پھولوں کی پتیاں نچھاور کیں اور بعد میں ان کی وطن واپسی پر صدر آصف علی زرداری کے حق میں نعرے لگائے۔