شہباز شریف رانا ثناء اللہ سے ملاقات کے لئے عدالت پہنچے تو پولیس نے کیا کہا؟

قومی اسمبلی میں قائد حزب اختلاف شہباز شریف رانا ثناء اللہ سے یکجہتی کے لئے انسداد منشیات کی عدالت پہنچ گئے ,پولیس نےشہبازشریف کی گاڑی کواندرجانے کی اجازت نہیں دی

باغی ٹی وی کی رپورٹ کے مطابق مسلم لیگ ن کے‌صدر شہباز شریف مسلم لیگ ن پنجاب کے گرفتار صدر رانا ثناء اللہ سے یکجہتی کے لئے انسداد منشیات کی عدالت میں پہنچ گئے. شہباز شریف رانا ثناء اللہ سے یکجہتی کریں گے اور ملاقات کریں گے . پولیس نے شہباز شریف کی گاڑی روکی تو شہبازشریف ایم اے او کالج سے جوڈیشل کمپلیکس لاہورتک پیدل پہنچے ،اس موقع پر شہباز شریف کا کہنا تھا کہ رانا ثنااللہ سینئرپارٹی رہنما ہیں، ان سے ملنا میرا بنیادی حق ہے،گاڑی روک دی گئی جس کی وجہ سے میں پیدل آگیا

واضح رہے کہ مسلم لیگ ن کے رہنما رانا ثناء اللہ کو آج ریمانڈ ختم ہونے پر انسداد منشیات کی عدالت میں پیش کیا جائے گا، رانا ثناء اللہ کی عدالت میں پیشی کے موقع پر سیکورٹی کے سخت انتظامات کئے گئے ہیں. احاطہ عدالت میں کسی غیر متعلقہ فرد کو داخلے کی اجازت نہیں ہو گی.

اے این ایف نے رانا ثناء اللہ کے حوالہ سے چالان عدالت میں جمع کروا دیا ہے، اے این ایف نے رانا ثناء اللہ کو چالان میں قصور وار قرار دے دیا ہے ،اے این ایف کی جانب سے چالان جمع کروائے جانے کے بعد انسداد منشیات کی عدالت کے جج مسعود ارشد نے رانا ثناء اللہ کو 29 جولائی کو طلب کر لیا ہے، اے این ایف کے مطابق تحقیقات میں رانا ثناء اللہ قصو وار قرار پائے ہیں  اے این ایف نے 60 سے زائد صفحات پر مشتمل چالان عدالت میں پیش کیا ہے۔ چالان جمع ہونےکےبعدآج منشیات برآمدگی کیس میں ٹرائل کاباقاعدہ آغازہوگا

رانا ثناء اللہ کی گرفتاری کے خلاف اسمبلی میں قرارداد جمع

واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا.  .

رانا ثناء اللہ کو عدالت پہنچا دیا گیا، ایف آئی آر میں کیا لکھا؟ جان کر ہوں حیران

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی
وزارت اینٹی نارکوٹکس نے رانا ثناء اللہ کے خلاف پولیس کو خط لکھ دیا. اہم خبر