ماڈل نایاب قتل کیس، پوسٹ مارٹم رپورٹ آ گئی، اہم انکشافات
ماڈل نایاب قتل کیس،پوسٹ مارٹم کے بعد لاش ورثا کے حوالے کردی گئی
ابتدائی رپورٹ کے مطابق ماڈل نایاب کو گلا دبا کر قتل کیا گیا،ماڈل نایاب کی گردن پر زخم کےنشان بھی پائے گئے ،پولیس کا کہنا ہے کہ مقتولہ کے ساتھ زیادتی حتمی فرانزک رپورٹ میں واضح ہو گی،مقتولہ نایاب کے موبائل فون سے شواہد اکٹھے کیے جا رہے ہیں،نایاب کے ساتھ رابطے میں رہنےو الے افراد کو شامل تفتیش کیا جائے گا،ڈکیتی مزاحمت سمیت مختلف پہلوؤں پر تفتیش جاری ہے
واضح رہے کہ لاہور کے علاقے ڈیفنس بی میں گھر سے ماڈل کی برہنہ حالت میں لاش برآمد ہوئی تھی، پولیس کے مطابق فیز فائیو میں 29 سالہ ماڈل خاتون کے گلا دبا کر قتل کردیا گیا انتیس سالہ ماڈل کی شناخت نایاب کے نام سے ہوئی، مقتولہ نایاب کے دو سوتیلے بھائی ہیں، مقتولہ غیر شادی شدہ تھی،رنامعلوم ملزمان نے تشدد کر کے گلا دبا کر موت کے گھاٹ اتارا،
پولیس نے مقتولہ ماڈل کے سوتیلے بھائی کی مدعیت میں قتل کا مقدمہ درج کر لیا محمد علی کے مطابق وہ بہن کے گھر گیا تو بہن کی لاش زمین پر پڑی ہوئی تھی نایاب گھر میں اکیلی رہتی تھی جبکہ اس کے باتھ روم کی جالی ٹوٹی ہوئی تھی
