چینی انجینئرز کی ڈیڈ باڈیز چین روانہ کرنے کے لیےاسلام آباد ایئرپورٹ پہنچا دی گئیں
اسلام آباد: خیبر پختونخواہ کے اپر کوہستان کے علاقے داسو میں بس کے ساتھ ناخوشگوار واقعہ پیش آنے والے 9چینی انجینئرز کی ڈیڈ باڈیز چین روانہ کرنے کے لیے اسلام آباد ائیرپورٹ پر پہنچا دی گئی ہیں
واضح رہے کہ سی پیک معائدہ کے تحت چینی انجینئرز داسو ڈیم پراجیکٹ پر کام کر رہے ہیں۔14 جولائی کو داسو پراجیکٹ پر کام کے لیے جانے والے چینی ماہرین، مقامی مزدور اور ایف سی اہلکار بس میں سوار تھے کہ بس میں ایک ہولناک دھماکہ ہوا جس کے باعث بس دریا میں جا گری۔بس میں سوار 9 چینی انجینئرز، دو ایف سی اہلکار اور لیبر سمیت 13 افراد جان کی بازی ہار گئے اور متعدد زخمی ہوئے جنہیں قریبی ہسپتالوں میں منتقل کردیاگیا تھا
ابتدا میں اس ناخوشگوار واقعے کو ایک حادثہ قرار دیا گیا۔تاہم بعدازاں وفاقی وزیر اطلاعات فواد چودھری نے بارودی مواد کے شواہد منظر عام پر آنے اس واقعہ کو دہشت گردی اور تخریب کاری قرار دیا ۔داسو کے افسوس ناک واقعے کی اعلیٰ سطھ پر تحقیقات کی جا رہی ہیں
۔تاہم چینی انجینئرز کی ڈیڈ باڈیز چین روانہ کرنے کے لیے اسلام آباد ائیرپورٹ پر پہنچا دیا گیا۔جہاں انھیں کارگو ٹرمینل میں رکھاگیا ہے۔ ڈیڈ باڈیز کو شام تین بجے کے قریب پرواز نمبر GHT CA -42 کے ذریعے چین روانہ کیا جائے گا۔
