وزیراعظم کا آزاد کشمیر میں ریفرنڈم کروانے کا اعلان
باغی ٹی وی کی رپورٹ کے مطابق وزیراعظم عمران خان نے کوٹلی میں جلسہ سے خطاب کرتے ہوئے کہا ہے کہ اے اللہ ہم تیری عبادت کرتے ہیں اور تجھ سے ہی مدد مانگتے ہیں،
وزیراعظم عمران خان کا کہنا تھا کہ شاندار استقبال پر سب کا شکریہ ادا کرتا ہوں، کہا جارہا ہے کہ آزادکشمیر کو صوبہ بنانا چاہتاہوں یہ بات کہاں سے آئی اس کا علم نہین، پورا یقین ہے کہ کشمیریوں کی قربانیاں ضائع نہیں ہوں گی،انشااللہ ریفرنڈم ہوگا اور آپ فیصلہ کریں گے کہ آپ کے ساتھ رہنا ہے،میری حکومت پھر ریفرنڈم کرائے گی کہ آپ فیصلہ کریں کہ پاکستان کے ساتھ رہنا چاہتے ہو یا آزاد،کشمیر کے لوگ بار بار اپنی آزادی کے لیے کھڑے ہوئے ،کشمیریوں نے اپنی آزادی کیلئے بے حد قربانیاں دیں، کشمیری اپنا فیصلہ خود کریں گے،
وزیراعظم عمران خان کا مزید کہنا تھا کہ ابھی سے بات چیت شروع ہوگئی ہے کہ الیکشن میں دھاندلی ہوگی،مسلم لیگ ن نے آج تک کوئی چیز ایمانداری سے نہیں کی،الیکشن کمیشن ن لیگ کی، حکومت ن لیگ کی ، تو ہم کیسے دھاندلی کریں گے؟جم خانہ کلب میں ایک موٹا ساآدمی میچ کھیلنے آگیا اس کا نام نوازشریف تھا،نوازشریف نے جس طرح کی سیاست کی اسی طرح کی کرکٹ تھی،نوازشریف جب میچ کھیلنے آتا تھا تو اپنے ایمپائر لے کرآتے تھے،جب نوازشریف آوَٹ ہوتا تھا تووہ ایمپائر نو بال کردیتے تھے،ان کے لیے صرف وہ ٹھیک ہوتا ہے جب ان کا اپنا ایمپائر ہو،کرکٹ کی دنیا میں نوٹرل ایمپائر لے کرآیا،ایک سال سے اپوزیشن کو الیکشن ریفارمز کی دعوت دے رہے ہیں کوئی نہیں آتا،ہم نے اپوزیشن کو الیکٹرانک ووٹنگ مشین کی تجویز دی، اس قوم نے عظیم قوم بننا ہے،امریکہ کی جنگ میں شرکت کی تو پاکستان میں تباہی مچ گئی،پاکستان میں سب سے زیادہ برا حال خیبر پختونخوا کا تھا،خیبر پختونخوا میں سب سے تیزی سے غربت میں کمی آئی،
