وفاقی وزیر خارجہ شاہ محمود قریشی نے کہا ہے کہ اقوام متحدہ کے سیکرٹری جنرل کو کشمیر کے حوالہ سے خط لکھ رہا ہوں، اقوام متحدہ کی قرارداد موجود ہے،کشمیرکومتنازع علاقہ سمجھا جاتا ہے،

امریکی صدر کی ایک بار پھر کشمیر پر ثالثی کی پیشکش

باغی ٹی وی کی رپورٹ کے مطابق وفاقی وزیر خارجہ شاہ محمود قریشی نے کہا کہ بھارت ایل او سی کی خلاف ورزیاں کررہا ہے،نہتے لوگوں کوشہید کررہا ہے،بھارت خون کی ہولی کھیل رہا ہے ،اقوام متحدہ کی قرارداد موجود ہے ، کشمیر کو متنازع علاقہ سمجھا جاتا ہے،خطے میں امن سے بھارت کوبھی فائدہ ہوگا

شاہ محمود قریشی نے مزید کہا کہ افغانستان میں امن اوراستحکام میں بھارت رکاوٹ نہ بنے ،سس وقت ہمارا فوکس افغانستان ہے ،ہمارا کل بھی پیغام امن کا تھا اورآج بھی امن کا پیغام ہے ،بھارت نے صدرٹرمپ کی گفتگو پرہی سوالیہ نشان کھڑے کردیے ہیں،ٹرمپ کی پیش کش کا مثبت جواب پاکستان نے دیا ،اقوام متحدہ کے سیکریٹری جنرل کو کشمیرکے حوالہ سےخط لکھ رہا ہوں ،

واضح رہے کہ پاکستان کے وزیراعظم عمران خان نے جب امریکہ کا دورہ کیا اس وقت بھی ٹرمپ نے کشمیر پر ثالثی کی پیشکش کی تھی .امریکی صدر ڈونلڈ ٹرمپ نے مزید کہا کہ اگر میں مدد کرسکا تو مسئلہ کشمیر پر ثالث کا کردار ادا کرنا پسند کروں گا،

وفاقی وزیر امور کشمیر و گلگت بلتستان علی امین خان گنڈاپور نے امریکی صدر ڈونلڈ ٹرمپ کی جانب سے مسئلہ کشمیر پر ثالثی کی پیشکش کو ایک بڑی کامیابی قرار دیتے ہوئے کہا کہ سفارتی محاذ پر یہ کامیابی عمران خان کی مخلصانہ قیادت اور کامیاب سفارت کاری کے باعث ممکن ہوئی ہے

پاکستان کے وزیر خارجہ شاہ محمود قریشی نے کہا ہے کہ بھارت نے ہمیشہ ثالثی سے راہ فرار اختیار کی، کشمیر متنازعہ اور حل طلب مسئلہ ہے

مقبوضہ کشمیر میں کشمیری قیادت نے مسئلہ کشمیر کے حل کے لیے ٹرمپ کی ثالثی کا خیرمقدم کیا ہے۔حریت فورم کے چیئرمین میر واعظ عمر فاروق نے خیر مقدم کرتے ہوئے کہا کہ ہر سطح پر بات چیت کی ضرورت ہے اور جموں و کشمیر کے عوام ایسے کسی بھی اقدام کی حمایت کرتے ہیں۔