سابق صدر آصف زرداری کے خلاف نیب نے ایک اور ریفرنس تیار کر لیا
باغی ٹی وی کی رپورٹ کے مطابق نیب نے سابق صدر آصف زرداری اور ان کی ہمشیرہ فریال تالپور کے خلاف منی لانڈرنگ کیس میں ضمنی ریفرنس تیار کر لیا،ریفرنس میں دونوں کے بیانات اور دوران تفتیش حاصل ہونے والے اہم ترین شواہد شامل ہیں۔ضمنی ریفرنس آصف زرداری اور فرالی تالپور سے تفتیش کی روشنی میں تیار کیا گیا ہے۔ ضمنی ریفرنس دائر ہونے کے بعد ملزمان پر فرد جرم عائد کی جائے گی۔
آصف زرداری اور فریال تالپور کے بیانات جبکہ نئےاہم ترین شواہد ریفرنس کا حصہ بنائے گئے ہیں۔ میگا منی لانڈرنگ کیس ایف آئی اے کراچی سے نیب کو منتقل ہوا تھا۔ احتساب عدالت ابتدائی چالان پر آصف زرداری سمیت 30 ملزمان کیخلاف ٹرائل کر رہی ہے۔ نیب نے اس کیس میں آصف زرداری اور فریال تالپور کو گرفتار کیا تھا
آصف زرداری اور فریال تالپور دونوں نیب کی حراست میں ہیں، آصف زرداری جسمانی ریمانڈ پر نیب کی تحویل میں ہیں جبکہ فریال تالپور کو اڈیالہ جیل بھجوا دیا گیا ہے، آصف زرداری کو اسلام آباد ہائیکورٹ سے ضمانت کی درخواست مسترد ہونے پر نیب نے بلاول ہاؤس سے گرفتار کیا تھا، بعد ازاں فریال تالپور کو بھی گرفتار کر لیا گیا تھا
