آئی ایم ایف اور حکومت پاکستان کے مابین معاہدہ طے پا گیا

باغی ٹی وی کی رپورٹ کے مطابق آئی ایم ایف اور حکومت پاکستان کے مابین معاہدہ طے پا گیا ہے

حکومتی ذرائع کے مطابق معاہدہ طے پا جانے کے حوالہ سے اعلامیہ جاری کیا جائے گا ۔نجی ٹی وی کے مطابق معاہدے کے متعلق ابھی تک تفصیلات سامنے نہیں آ سکیں

وزیر خزانہ مفتاح اسماعیل نے آئی ایم ایف سے مذاکرات کیے تھے اور گزشتہ روز کہا تھا کہ آج خوشخبری ملنے کا امکان ہے۔ آئی ایم ایف سے معاہدے کے مطابق حکومت نے پٹرول و بجلی کی قیمت بڑھائی ۔آئی ایم ایف کے تمام مطالبات مانے جس کے بعد معاہدہ طے پایا ہے ۔آئی ایم ایف سے معاہدہ طے پا جانے کو حکومتی حلقے بڑی کامیابی قرار دے رہے ہین اور توقع کی جا رہی ہے کہ آئی ایم ایف سے رقم ملنے کے بعد پاکستان کی معیشت مستحکم ہو گی اور روپے کی روز بروز گرتی قدر میں بھی اضافے کا امکان ہے

آئی ایم ایف پاکستان کو جمعہ کو معاہدے کا مسودہ فراہم کرے گا، آئی ایم ایف حکام کا کہنا ہے کہ حکومت اور آئی ایم ایف کے درمیان مذاکرات جاری ہیں، پاکستانی اور آئی ایم ایف کے درمیان آئندہ بجٹ سے متعلق تفصیلات طے ہوں گی،نئے مالی سال میں بجٹ کا حجم 9900 ارب روپے تک ہوجا ئے گا بجٹ حجم 10 جون کو پیش کردہ بجٹ سے تقریباً 400 ارب روپے زائد ہوگا

آئی ایم ایف اورپاکستان کے درمیان مذاکرات کی نئی شرائط پیٹرولیم مصنوعات پرہرماہ 5 روپے فی لیوی عائدکی جائے گی ،
نئے مالی سال کیلئے ٹیکس وصولیوں کاہدف 7445 ارب تک لانے کا فیصلہ کیا جائے گا نئے سال میں انکم ٹیکس کاہدف 55 ارب روپے بڑھایا جائے گا ،6سے12 لاکھ سالانہ پر 2.5فیصد ٹیکس عائد کیا جائے گا ،سالانہ 15 کروڑآمدن پرایک فیصد ٹیکس لگایا جائے گا ،سالانہ 20 کروڑآمدن پر 2 فیصدٹیکس لگایا جائے گا ،سالانہ 25 کروڑآمدن پر 3 فیصدٹیکس لگایا جائے گا ،سالانہ 30 کروڑکی آمدن پر 4 فیصدٹیکس لگایا جائے گا ،کسٹمز وصولی کا ہدف 950 ارب سے بڑھا کر 1005ارب کیا جائے گا جنرل سیلز ٹیکس کی مد میں وصولیوں کا ہدف 3008 سے بڑھا کر 3300 ارب ہوگا،