روجھانَ۔ایڈیشنل ڈپٹی کمشنر راجن پور کے احکامات ہوا میں اڑگئے،برف 50 روپے کلو ہوگئی

روجھان (ضامن حسین بکھر کی رپورٹ )روجھان میں اشیائے خوردونوش کی قمیت عوام کی پہنچ سے دور برف سے لے کر سبزیاں پھل فروٹ سے لے کر بیف، چکن، مٹن کی قیمتیں آسمان کو چھونے لگے دیہاڑی دار مزدوروں کی یومیہ اجرت سے ان کے بچوں کو روٹی میسر نہیں ہے اس مہنگائی نے عوام کی کمر توڑ کے رکھ دی ہے مگر گزشتہ روز راجن پور میں ہونے والے اجلاس میں ایڈیشنل ڈپٹی کمشنر راجن پور نے پرائس کنٹرول مجسٹریٹس کو اشیائے خوردونوش کے ریٹس کی چیکنگ اور سرکاری ریٹس کو برقرار رکھنے کے متعلق ہدایات دیں مگر روجھان میں 6 یوم سے صرف برف کی بات کی جائے تو 50 روپے کلو فروخت کی جا رہی ہے

مگر پرائس کنٹرول مجسٹریٹ نے آنکھ موندی ہوئی ہیں اور ذمہ داروں کے کانوں میں روئی بھری ہوئی ہے ہر چیز کے ریٹ روجھان میں مقرر کردہ ریٹس کے برعکس ہیں عوام کو سرکاری مقرر کردہ نرخوں پر عوام کو اشیائے خوردونوش میسر نہیں ذمہ دار صرف فرضی طور پر ایک دو دکانوں پر جا کر فوٹو سیشن کے بعد چلے جاتے ہیں دکاندار من مانی قیمتیں وصول کرتے ہیں کوئی چیک ایند بیلنس نہیں ہے عوام کا کو ئی پرسان حال نہیں ہے چھ روز گزرنے کے بعد باوجود پرائس کنٹرول مجسٹریٹ صرف برف کی قیمتوں اور برف مافیا کے خلاف کارروائی سے قاصر ہے روجھان کے عوامی سماجی دیہی شہری حلقوں نے کمشنر ڈیرہ غازی خان، ڈپٹی کمشنر راجن پور، سے نوٹس لینے کا مطالبہ۔