وزیر اعلی پنجاب چودھری پرویز الہی کی ہدایت پر مشیر وزیر اعلی چودھری طارق زمان گجر نے ڈیرہ غازی خان کا دورہ کیا

باغی ٹی وی ،ڈیرہ غازیخان ( شہزاد خان نامہ نگار)وزیر اعلی پنجاب چودھری پرویز الہی کی ہدایت پر مشیر وزیر اعلی چودھری طارق زمان گجر نے ڈیرہ غازی خان کا دورہ کیا
تفصیل کے مطابق مشیر وزیر اعلی پنجاب چودھری طارق زمان گجر نے اراضی ریکارڈ سنٹر ڈیرہ غازی خان کا اچانک دورہ کیا اور دستیاب سہولیات کا جائزہ لیا۔مشیر وزیر اعلیٰ چودھری طارق زمان گجر نے عملہ اور سائلین سے معلومات حاصل کیں۔انہوں نے کہا کہ اراضی ریکارڈ سنٹر میں عوام کےلئے آسانیاں پیدا کی جائیں۔غیر ضروری اعتراضات سے گریز کیا جائے۔مشیر وزیر اعلیٰ چودھری طارق زمان گجر نے کہا کہ جائیداد کی خرید و فروخت سے قبل جانچ پڑتال یقینی بنائی جائے۔اراضی ریکارڈ سنٹر میں مالی بدعنوانی برداشت نہیں ہوگی۔افسران اور عملہ فرائض دیانتداری سے انجام دیں۔ اس موقع انہوں نے معاملات کی بہتری کےلئے ہدایات بھی جاری کیں