صادق آباد:02 روز قبل اغواء ہونے والی ڈیڑھ سالہ فرشتہ بازیاب، اغواء کار ملزمہ کرن گرفتار

02 روز قبل اغواء ہونے والی ڈیڑھ سالہ فرشتہ بازیاب، اغواء کار ملزمہ کرن گرفتار،اطلاعات کے مطابق صادق آباد کے علاقہ سے 02 روز قبل اغواء ہونے والی ڈیڑھ سالہ فرشتہ بازیاب کرا لی گئی ہے ، یہ بھی معلوم ہواہے کہ اس اغواء کار ملزمہ کرن گرفتارہوچکی ہے اور یہ بھی بتایا جارہا ہے کہ یہ, ملزمہ کرن بچی کے گھر کے قریب رہتی تھی،

سی پی اوسید شہزاد ندیم بخاری نے اغواء ہونے والی بچی کو باضابطہ طور پر والدین کے حوالے کر دیا، ایس ایس پی آپریشنز وسیم ریاض خان،ایس پی راول، اے ایس پی نیوٹاؤن،اے ایس پی سٹی، ایس ایچ او صادق آباد اوردیگرافسران بھی ہمراہ تھے،

ڈیڑھ سالہ فرشتہ اپنی کزن کے ساتھ دوکان پر گئی تھی جہاں ملزمہ نے اسے 07 سالہ کزن سے چھینا تھا، پولیس نے جدید ٹیکنالوجی اورہیومن انٹیلی جینس کی مدد سے ملزمہ کو گرفتارکیا،ایس ایچ او صادق آباد، ایس ایچ او نیو ٹاؤن اور ایس ایچ او پیرودھائی کی سربراہی میں مختلف ٹیمیں اس کیس پر کام کر رہی تھیں

بچی کی والدین اوراہل خانہ کا سی پی اوسید شہزاد ندیم بخاری اور راولپنڈی پولیس کو خراج تحسین، پنجاب پولیس کے حق میں نعرے بازی کی اور پھول نچھاور کیے

دوسری طرف سی سی پی اوسید شہزاد ندیم بخاری کا کہنا تھا کہ بچی کی بحفاظت بازیابی ہر کامیابی سے بڑی کامیابی ہے، خوشی ہے کہ بچی کو والدین سے ملوادیا،