ڈریپ اور فارمسوٹیکل کمپنیوں میں ڈیڈ لاک برقرار،ملک بھر میں دواؤں کا بحران

اسلام آباد:ڈریپ اور فارمسوٹیکل کمپنیوں میں ڈیڈ لاک برقرار، ملک بھر میں دواؤں کا بحران جاری ہے ، مریض سخت پریشان ہیں لیکن حکمرانوں کومریضوں کی پریشانی سے کیا تعلق، حکمران توادویات کی قیمتیں بڑھانے کے چکروں میں ہیں

ڈالر کی بڑھتی ہوئی قیمت کے پیش نظر ڈریپ اور فارمسوٹیکل کمپنیوں میں ڈیڈ لاک برقرار ہے جس کی وجہ سے ملک بھر میں دواؤں کا بحران پیدا ہوگیا ہے۔

تفصیلات کے مطابق مختلف فارماسیوٹیکل کمپنیوں نے متعدد ادویات کی سپلائی روک دی ہے جبکہ دواؤں کی قیمتوں میں من مانا اضافہ بھی کردیا گیا ہے۔رپورٹ میں بتایا گیا ہے کہ کراچی میں دواوں کی قیمتوں میں غیر اعلانیہ 50 فیصد اضافہ کردیا گیا ہے جبکہ سندھ میں ملیریا اور ڈینگی کی وباء جاری ہے مگر دوائیاں ناپید ہوگئی ہیں۔

بلوچستان ہاکی ایسوسی ایشن کے چیف سلیکٹر سمیت 4 حکام ٹریفک حادثے میں جاں بحق

اسکے علاوہ ملیریا کی کلوروکوئن، ڈاکسی سائلن ، میفلوکوئن، اور انجکشن ہماپرز مارکیٹ سے غائب ہوگئیں ہیں جبکہ بلڈ پریشر، شوگر، سر درد سمیت ذہنی سکون کی دوائیں مہنگی ہوگئیں ہیں۔امراض نسواں کی دوا پرمیلیوٹ این ، ڈیوفاسٹون نایاب ہوگئی ہیں جبکہ پیراسٹامول اور ایسپرین 40 تا 50 روپے کی ملنے لگی ہیں۔

دو تہائی اکثریت نہ ملی تو حکومت نہیں لوں گا،عمران خان کی 30سےزائد مفتیان اورجید…

رپورٹ میں بتایا گیا ہے کہشوگر کی دوا گلیکو فیج اور ایمرل ، انوسٹا پلس کی قیمت میں بھی 30 فیصد اضافہ ہوگیا ہے جبکہ معدے کی تزابیت کی دوا اومی پرازول 170 سے 300 تک فروخت ہونے لگی اور سانس و دمہ کے لیے استعمال ہونے والے ان ہیلر کی قیمت میں بھی 40 فیصد اضافہ کردیا گیا ہے۔اسکے علاوہ کیموتھراپی کی دوائیں بھی مارکیٹ میں دگنی قیمتوں میں ملنے لگی ہیں۔