ٹھٹھہ :مویشیوں کےبیوپاریوں کو جعلی CIA اہلکار بن کر لوٹنے والوں میں ایک صحافی اور پولیس اہلکار بھی شامل ، مقدمہ درج

باغی ٹی وی ،ٹھٹھہ (نامہ نگار راجہ قریشی)گذشتہ رات سی آئی اے کے جعلی اہلکار بن کر ٹھٹھہ سے کراچی مویشی لیکر جانے والوں سے بارہ لاکھ روپے لوٹنے والوں کے خلاف ایف آئی آر درج ،دھابیجی تھانہ میں درج ہونے والی ایف آئی آر میں ایک صحافی ایاز واریو ایک پولیس اہلکار سمیت تین نامعلوم افراد کو بھی نامزد کیا گیا ہے ،گذشتہ رات مویشیوں کے تاجر جب مویشی لیکر کراچی جارہے تھے تو ایک کرولا کار میں موجود افراد نے سی آئی اے کا اہلکار ظاہر کرکے ان کو لوٹا، موقع پر پولیس نے ان جعلی افراد سےپوچھ گچھ کے بعد چھوڑ دیا تھا کہ یہ صحافی ہیں،ملزمان کو پولیس کی طرف سے بچانے کے خلاف مویشیوں کے تاجروں نے پہلے دھابیجی میں اور پھر مکلی بائی پاس پر نیشنل ہائی وے بلاک کرکے دھرنا دے دیا تھااور مطالبہ کیا تھا کہ ہم نے کچھ لوگوں کو پہچانا ہے لیکن پولیس نے ان کے خلاف کوئی کارروائی نہیں کی اور ان کا تعاقب نہیں کی اور انہیں جانے دیا.