سابق بھارتی فوجی کی بھارتی شہریوں سے پی ٹی آئی لانگ مارچ کیلئےچندےکی اپیل

نئی دہلی:سابق بھارتی فوجی میجر ریٹائرڈ گورَو آریا نے ٹوئٹر پر بھارتی شہریوں سے پی ٹی آئی کے لانگ مارچ اور دھرنےکے لیے چندے کی اپیل کردی۔

میجر ریٹائرڈ گورَو آریا نے لندن میں پی ٹی آئی کو چندہ دینے والے بھارتی شخص کی پرانی ویڈیو شیئر کی اور لکھا، شاباش بھارتی بھائیو، لانگ مارچ اور دھرنے کے لیے بہت پیسا چاہیے۔

پوسٹ میں جو پرانی ویڈیو شیرکی گئی اس میں پاکستان کے ساتھ پی ٹی آئی کا پرچم لیے لوگ بھی نظر آرہے ہیں۔گورَو آریا نے لکھا کہ عمران خان کو پیسےکی کمی نہیں ہونی چاہیے، چاہے 10 ڈالر ہی کیوں نہ ہوں، پی ٹی آئی کو چندہ دیں۔

یاد رہے کہ اس سے پہلے پاکستان کے خلاف بھارتی فوج کے پراپیگنڈہ ماسٹرمیجرگورائے آریا بھی عمران خان پر برس پڑے ، ان کا کہنا ہےکہ عمران خان نے ہرایک پرتنقید کے تیر برسائے

سماجی رابطے کی ویب سائٹ ٹویٹر پرمیجرریٹائرڈ گورائے آریا نے ٹویٹ کرتے ہوئے کہا ہے کہ عمران خان نے وہ کچھ کہہ دیا ہے جس کی توقع نہیں تھی ، میجر ریٹائڑ گورائےآریا کا کہنا ہے کہ عمران خان اس وقت امریکہ ، فوج اور پاکستان کی موجودہ حکومت کے خلاف عوام کو اپنے ساتھ ملائے ہوئے ہے