شیخوپورہ :کوآرڈینیٹر کی ہدایت پر بلدیہ کے عملہ نے نالوں کی صفائی کا کام شروع کردیا

باغی ٹی وی:شیخوپورہ(محمد طلال سے)بلدیہ شیخوپورہ کے کوآرڈینیٹر حاجی غلام نبی ورک کی ہدایت پر بلدیہ شیخوپورہ کے عملہ نے نالوں کی صفائی کا کام شروع کردیا ہے جو تین یوم جاری رہے گا اس سلسلہ میں وارڈ نمبر 23میں پی ٹی آئی یوتھ ونگ کے رہنما عاشر عظیم یزدانی کی نگرانی میں طارق روڈ کے نالوں کی صفائی کی گئی، اس موقع پر عاشر عظیم یزدانی نے معززین علاقہ رائے محمد ثاقب، عارف پہلوان مغل، رانا محمد ہارون، مصطفی خان، معاذ بدر بھٹی کے ہمراہ میڈیا سے گفتگو کرتے ہوئے کہا کہ نالوں کی صفائی ستھرائی کے کام سے سیوریج سسٹم بہتر ہو جائے گا یہ حلقہ کی عوام کا دیرینہ مطالبہ تھا جو کئی سالوں کے بعد حاجی غلام نبی ورک کی خصوصی کاوش سے پورا ہوگیا ہے، انہوں نے کہا کہ حلقہ کی عوام کی خدمت ہی ہماری سیاست کا مرکز و محور ہے اور یہ کام بلا امتیاز و تفریق کیا جارہا ہے بہت جلد حلقہ میں سٹریٹ لائٹس کی تنصیب کا کام بھی شروع کردیا جائے گا جبکہ مین ہولز کے ڈھکنوں کی تعمیر و مرمت کا کام بھی تیزی سے جاری ہے۔