باغی ٹی وی ننکانہ صاحب( نامہ نگار احسان اللہ ایاز)سکھ مذہب کے بانی بابا گورو نانک دیو جی کے 553ویں جنم دن کی تقریبات کے دوران200 ریسکیو افسران و ریسکیورز مرکزی گوردوارہ جنم استھان اور دیگر گوردواروں میں کسی بھی ناگہانی صورتحال سے نمٹنے کے لئے اہم مقامات پر ریسکیو موبائل پوسٹیں، فائر سیفٹی پوسٹ،سروور پر واٹرریسکیو پوسٹ اورریپڈ ریسپانس ٹیمیں ہمہ وقت ہائی الرٹ رہی اور نگر کیرتن جلوس کے داخلی اور خارجی راستوں پر مکمل ریسکیو کور فراہم کیاڈسٹرکٹ ایمرجنسی آفیسر محمد اکرم پنوار نے بتایا کہ بابا گورونانک دیو جی کے 553ویں جنم دن کی تین روزہ تقریبات پر دنیا بھر سے آنے والے سکھ یاتریوں کو ریسکیو کور فراہم کرتے ہوئے ریسکیو1122عملہ نے 80متاثرین کو فوری ابتدائی طبی امداد فراہم کی اور ڈسٹرکٹ ہیڈ کوارٹرز ہسپتال منتقل کیا اس کے ساتھ یو کے سے آئی ہوئی ماں بیٹی ہجوم میں بچھڑ گئیں جنہیں ریسکیو 1122عملہ نے بیٹی لکی صابو کو تلاش کر کے ماں سے ملوا دیا علاوہ ازیں گوردوارہ تنبو صاحب میں ڈیوٹی پر موجود ریسکیو عملہ کو لنگر ہال کے قریب سے موبائل فون ملا جو کہ یو کے سے آئی ہوئی فیملی مس سرندر کور کا تھاریسکیو عملہ نے اعلان کروا کر لواحقین کے حوالے کیا اس موقع پر یو کے کی دونوں فیملیز نے ریسکیو 1122عملہ کی اس کاوش کو سراہتے ہوئے ان کا شکریہ ادا کیا۔ڈسٹرکٹ ایمرجنسی آفیسر محمد اکرم پنوار نے انٹرنیشنل میگا ایونٹ پر انتہائی ذمہ داری اور پیشہ ورانہ انداز میں فرائض سرانجام دینے والے ریسکیورز کی حوصلہ افزائی کرتے ہوئے مبارکباد دی اور تعریفی اسناد سے نوازا
Shares:
