قانون کی حکمرانی، مافیاز کا مقابلہ میرا مشن ہے، عمران خان

قانون کی حکمرانی، مافیاز کا مقابلہ میرا مشن ہے، عمران خان
باغی ٹی وی کی رپورٹ کے مطابق تحریک انصاف کے چیئرمین عمران خان نے کہا ہے کہ پاکستان کا وزیراعظم دوسرے ملکوں سے بھیک مانگتا ہے،

عمران خان نے لانگ مارچ کے شرکاء سے ویڈیو لنک کے ذریعے خطاب کرتے ہوئے کہا کہ ملک میں انصاف کا نظام لانا ضروری ہے،پاکستان کا وزیراعظم ایک مفرور شخص سے ملنے لندن گیا، نواز شریف جھوٹ بول کر اس ملک سے بھاگا تھا،
70 سالہ زندگی میں پوری دنیا گھوما ہوں،پاکستان کی قوم نے اب خوف کے بت توڑ دیے ہیں اور اپنے روشن محفوظ مستقبل کی خاطرکھڑی ہو گئی جب قوم کھڑی ہو جائے تو انقلاب آتا ہے۔

عمران خان کا مزید کہنا تھا کہ جو کمزور آدمی ہے بیچارا دیہاڑی دار ہے صرف وہ جیلوں میں جاتا ہے ۔ طاقتور ڈاکوؤں کے ساتھ یہاں ڈیل کی جاتی ہے ۔انہوں نے یہ سوچا کہ میں گولیوں سے ڈر کر گھر بیٹھ جاؤں گا برطانیہ میں بیٹھے پاکستانیوں سے پوچھیں وہاں انصاف کیسا ہے۔خریدو یا ڈرائو، یہ شروع سے یہی کام کر رہے ہیں، ایوان فیلڈ کے سامنے احتجاج کرنے والوں کو ہم نہیں نکالتے وہ اچھائی کیساتھ کھڑے ہیں۔ مجھے دیکھو معجزہ ہے کہ میں بچا ہوا ہوں، جس کو اللہ بچاتا ہے کوئی نہیں اس کو لے جا سکتا ،بچایا مجھے اس لیے ہے کہ میری مشن ہے اس ملک میں قانون کی حکمرانی، مافیاز کا مقابلہ کرنا پہلے دن سے کہا کہ انہیں این آر او نہیں دوں گا،
انہوں نے مجھ سے این آر او لینے کیلئے لانگ مارچ کیا اعظم سواتی کا کیس ہوا، مجھے گولیاں لگیں لیکن ایف آئی آر ہی نہیں کٹوا پا رہا، قوم کو سمجھنا چاہئے کہ ملک کے ساتھ کیا ہو رہا ہے،
شہبازشریف اور حمزہ شہباز کو سزا ملنے جارہی تھی،شہباز شریف کو سازش کے تحت اوپر بٹھایا گیا،دو مہینے کے اندر سارے گواہ مر گئے، شہباز شریف کے خلاف عابد باکسر کا بیان موجود ہے،

تحریک انصاف کا لانگ مارچ آج گجرات پہنچ چکا ہے، شاہ محمود قریشی مارچ کی قیادت کر رہےہیں مارچ کی سیکورٹی کے بھر پور انتظامات کئے گئے ہیں لانگ مارچ انتظامیہ کو سکیورٹی ایس او پیز پر ہر صورت عملدر آمد کرنے کی درخواست کی گئی ہیں کنٹینر کے ارد گرد سکیورٹی کا خصوصی حصار بنایا جائے گا۔ کسی بھی غیر متعلقہ شخص یا گاڑی کو کنٹینر کے قریب نہیں آنے دیا جائے گا۔ لانگ مارچ کے روٹس کی عمارتوں پر کمانڈوز تعینات ہونگے۔ لانگ مارچ کی سی سی ٹی کیمروں سے مانیٹرنگ کی جائے گی۔

پاکستان کو ایک مرتبہ پھر انتہا پسندی اور مذہبی جنونیت کا سامنا 

عمران خان کے صاحبزادوں قاسم اور سلیمان کی زمان پارک آمد 

شوکت خانم کے باہر سے مشکوک شخص گرفتار

جس کو پنجاب کا سب سے بڑا ڈاکو کہتا تھا اسے ڈاکو کی وزارت اعلیٰ کے نیچے عمران خان پر حملہ ہوا

ترجمان پنجاب پولیس کے مطابق لانگ مارچ میں آنے والے شرکاء کے اسلحہ بردار پرائیویٹ گارڈز کا داخلہ ممنوع، ہوائی فائرنگ پر پابندی ہوگی۔سنٹرل پولیس آفس میں قائم کنٹرول روم سے بھی مانیٹرنگ کا عمل جاری رہے گا اسپیشل برانچ، سی ٹی ڈی اور ضلعی پولیس کو لانگ مارچ کے روٹس پر سرچ اینڈ کومبنگ آپریشنز روانہ کی بنیادوں پر کرنے کی ہدایات کی گئی ہیں، شہریوں کے لیے ٹریفک کی روانی یقینی بنانے کے لیے متبادل روٹس اور اضافی نفری تعینات کی جائے گی۔