گوجرہ: موٹروے ایم فور پر کار میں شارٹ سرکٹ سے آگ لگ گئی

باغی ٹی وی ،گوجرہ(نامہ نگار ر)تھانہ صدر گوجرہ کے علاقہ موٹروے ایم فور پر کارمیں شارٹ سرکٹ سے آگ لگ گئی۔کارجل کر راکھ ہو گئی،کار سوارمعجزانہ طور پر محفوظ رہے،معلوم ہوا ہے کہ فیصل آباد کارہائشی شکیل اپنی کار نمبر9789ایل ای پر سواراپنے دوست کے ہمراہ فیصل آباد سے بذریعہ موٹر وے ایم فورگوجرہ کی جانب آرہا تھاکہ تھانہ صدر گوجرہ کے علاقہ میں ان کی کار میں شارٹ سرکٹ کے باعث اچانک آگ بھڑک اٹھی۔اور آگ نے بری طرح سے گاڑی کواپنی لپیٹ میں لے لیا۔آگ لگنے کی اطلاع ملتے ہی موٹر وے پر گزرنے والے لوگوں نے فوری طور پر امدادی کارروائی کر تے ہوئے آگ پر قابو پایا۔گاڑی میں سوار افراد معجزانہ طور پرمحفوظ رہے۔